'వైద్యుల నిర్లక్ష్యం వల్లే యువకుడి కాలు తొలగింపు'

ప్రమాదం జరిగి ఆసుపత్రికి వెళితే కాలుకు పట్టీ వేశాడు ఓ జూనియర్ డాక్టర్. కొద్ది రోజుల తర్వాత కాలు నొప్పి పెరిగిందని మళ్లీ వెళితే ఏకంగా కాలు తొలగించాడు మరో వైద్యుడు. పట్నాలో జరిగిన ఈ ఘటనతో ఓ కుటుంబం తీవ్ర విషాదంలో మునిగిపోయింది. తమకు న్యాయం చేయాలంటూ పోలీసులను ఆశ్రయించింది.

వైద్యులే నిర్లక్ష్యం చేసి తన కుమారుడి కాలు తొలగించారని పోలీసులకు ఫిర్యాదు చేసింది ఓ తల్లి. ఈ ఘటన బిహార్​లోని పట్నాలో జరిగింది.

ఇదీ జరిగింది....

కొన్ని రోజుల క్రితం జరిగిన రోడ్డు ప్రమాదంలో మహ్మద్ ఆరిఫ్ (18) కాలుకు తీవ్రంగా గాయమైంది. దీంతో, ఆరిఫ్ తల్లి హలీమా ఖాటున్... తన కుమారుడిని పట్నా మెడికల్​ కళాశాల​ ఆసుపత్రికి తీసుకెళ్లింది. ఆ సమయంలో ఆసుపత్రిలో పనిచేస్తోన్న జూనియర్ డాక్టర్​ ఆరిఫ్​ కాలుకు పట్టీ వేశాడు. కొన్ని రోజుల తర్వాత బాధితుడికి కాలు నొప్పి సమస్య మరింత పెరిగింది. దీంతో ఆరిఫ్​ను మళ్లీ ఆసుపత్రికి తీసుకెళ్లింది హలీమా. ఈసారి మరో వైద్యుడు... అతడి​ కాలు తొలగించాలని చెప్పాడు.

అరీఫ్

"నా భర్త మానసిక సమస్యతో బాధపడుతున్నారు. ఇప్పుడు నా కొడుకు కాలు తొలగించారు. ఇద్దరి వైద్యానికి సరిపడే డబ్బు నా దగ్గర లేదు. అందుకే డాక్టర్లు... ఆరిఫ్​ను డిశ్చార్జి చేయాలని ఒత్తిడి చేస్తున్నారు" అని బాధితుడి తల్లి హలీమా ఆవేదన వ్యక్తం చేసింది.

బాధితుడితో హలీమా

ఈ ఆరోపణలను తిప్పికొట్టారు ఆసుపత్రి సూపరింటెండెంట్ డాక్టర్ విమల్ కర్కర్. ఈ విషయంపై దర్యాప్తు చేస్తామని పేర్కొన్నారు.

ఇదీ చదవండి:బ్రిటన్​కు విమాన రాకపోకలపై నిషేధం పొడిగింపు