'ప్రతి భారతీయుడి ఫోన్​ను మోదీ ట్యాప్​ చేశారు'

మోదీ ప్రభుత్వం తీసుకువచ్చిన సాగు చట్టాలపై రైతులు చేపట్టిన నిరసనలకు ప్రతిపక్షాలు మద్దతు తెలిపాయి. జంతర్​మంతర్​ వద్దకు చేరుకున్న రాహుల్​ సహా ఇతర నేతలు వ్యవసాయ చట్టాలకు వ్యతిరేకంగా నినాదాలు చేశారు. ఈ సందర్భంగా కేంద్రంపై తీవ్ర విమర్శలు చేశారు రాహుల్​ గాంధీ. ప్రతి ఒక్క భారతీయుడి ఫోన్​ను నరేంద్ర మోదీ ట్యాప్​ చేశారని ఆరోపించారు.

పెగసస్​ వ్యవహారాన్ని సూచిస్తూ కేంద్ర ప్రభుత్వంపై విమర్శలు గుప్పించారు కాంగ్రెస్​ అగ్రనేత రాహుల్​ గాంధీ. ప్రతి ఒక్క భారతీయుడి ఫోన్​ని కేంద్ర ట్యాప్​ చేసిందని ఆరోపించారు. పెగసస్​పై చర్చ చేపట్టాలని డిమాండ్​ చేశారు. ప్రస్తుత వర్షకాల సమావేశాల్లో పెగసస్​పై చర్చ చేపట్టకపోవటంపై ప్రశ్నించారు.

వ్యవసాయ చట్టాలకు వ్యతిరేకంగా జంతర్​ మంతర్​ వద్ద అన్నదాతలు ఆందోళన చేస్తున్న ప్రాంతానికి వెళ్లి సంఘీభావం తెలిపాయి 14 విపక్ష పార్టీలు. ఈ సందర్భంగా కేంద్రం తీరుపై విమర్శలు చేశారు రాహుల్​.

విపక్ష నేతలు

" సాగు చట్టాలకు వ్యతిరేకంగా రైతులు చేస్తున్న ఆందోళనలకు మద్దతు పలికేందుకు ఈరోజు విపక్ష పార్టీలన్నీ జంతర్​ మంతర్​ వద్దకు వచ్చాయి. పెగసస్​పై చర్చ చేపట్టాలని మనం కోరుతుంటే, కేంద్ర అందుకు సుముఖంగా లేదు. ప్రతి ఒక్క భారతీయుడి ఫోన్​ను నరేంద్ర మోదీ ట్యాప్​ చేశారు. "

- రాహుల్​ గాంధీ, కాంగ్రెస్​ అగ్రనేత.

అన్నదాతలను కాపాడండి.. దేశాన్ని రక్షించండి

రాహుల్​ గాంధీతో పాటు రాజ్యసభలో విపక్ష నాయకుడు మల్లికార్జున్​ ఖర్గే సైతం ఈ నిరసనల్లో పాల్గొని రైతులకు మద్దతు తెలిపారు. ఈ సందర్భంగా కాంగ్రెస్​ సహా డీఎంకే, టీఎంసీ, ఎన్​సీపీ, శివసేన, ఆర్​జేడీ, ఎస్​పీ, వామపక్షాలు, ఆమ్​ ఆద్మీ పార్టీ నేతలు.. రైతలకు మద్దతు ప్రకటించారు. రైతులను కాపాడండి.. దేశాన్ని రక్షించండి అంటూ నినాదాలు చేశారు. ప్లకార్డులు ప్రదర్శించారు.

జంతర్​ మంతర్​ వద్ద రైతుల నిరసన

పార్లమెంట్​ వర్షకాల సమావేశాలు ప్రారంభమైన తొలి రోజు నుంచే పెగసస్​ సహా రైతుల ఆందోళన, సాగు చట్టాల రద్దుపై చర్చ చేపట్టాలని డిమాండ్​ చేస్తున్నాయి విపక్షాలు. నిరసనలతో ఉభయ సభలు వాయిదాల పర్వంతో ముందుకు సాగుతున్నాయి.

• #WATCH | Congress leader Rahul Gandhi and other Opposition leaders reach Jantar Mantar, Delhi to extend support to farmers in their protest against farm laws by raising slogans with a placard 'Save Farmers, Save India' pic.twitter.com/VMyi4ShlYo

  — ANI (@ANI) August 6, 2021 " class="align-text-top noRightClick twitterSection" data="

  #WATCH | Congress leader Rahul Gandhi and other Opposition leaders reach Jantar Mantar, Delhi to extend support to farmers in their protest against farm laws by raising slogans with a placard 'Save Farmers, Save India' pic.twitter.com/VMyi4ShlYo

  — ANI (@ANI) August 6, 2021

  ">

  #WATCH | Congress leader Rahul Gandhi and other Opposition leaders reach Jantar Mantar, Delhi to extend support to farmers in their protest against farm laws by raising slogans with a placard 'Save Farmers, Save India' pic.twitter.com/VMyi4ShlYo

  — ANI (@ANI) August 6, 2021

ఇదీ చూడండి: ఉభయ సభల్లో అదే రగడ- కీలక బిల్లులకు ఆమోదం