ఉత్తర్ప్రదేశ్ ముఖ్యమంత్రి యోగి ఆదిత్యనాథ్పై అభ్యంతరకర వ్యాఖ్యలు చేసిన కేసులో అలహాబాద్ హైకోర్టు వినూత్న నిర్ణయం తీసుకుంది. నిందితుడు రెండేళ్లపాటు సోషల్ మీడియాకు దూరంగా ఉండాలన్న షరతుతో బెయిల్ మంజూరు చేసింది.
ఇదీ కేసు..
సీఎం యోగి ఆదిత్యనాథ్పై సామాజిక మాధ్యమాల్లో అభ్యంతరకర వ్యాఖ్యలు చేశారనే ఆరోపణలు ఎదుర్కొంటున్నాడు దేవరియాకు చెందిన అఖిలానంద రావు. ఈ కేసులో నిందితుడిపై ఇప్పటికే ఎఫ్ఐఆర్ నమోదు చేశారు కొత్వాలీ పోలీసులు. భారతీయ శిక్షా స్మృతిలోని సెక్షన్-420(మోసం), 120బీ(కుట్ర); ఐటీ చట్టం సెక్షన్-66డీ కింద ఈ ఏడాది మే 12న అభియోగాలు మోపారు.
నిందితుడు బెయిల్కు దరఖాస్తు చేసుకోగా హైకోర్టు సానుకూలంగా స్పందించింది. ఎలాంటి వాయిదాలు కోరకుండా దర్యాప్తు సంస్థలకు సహకరించాలని స్పష్టంచేసింది.
ఇదీ చదవండి: ఆ చిన్నారిని కాపాడేందుకు గ్రామంలో 144 సెక్షన్
