సత్యం కోసం రైతులు చేసే పోరాటాన్ని ప్రపంచంలోని ఏ ప్రభుత్వమూ అడ్డుకోలేదని అన్నారు కాంగ్రెస్ నేత రాహుల్ గాంధీ. ఛలో దిల్లీ పేరిట రైతులు చేస్తున్న నిరసనకు మద్దతు తెలిపిన ఆయన.. నరేంద్ర మోదీ సర్కార్పై విరుచుకుపడ్డారు. సత్యంపై అహంకారం ఎప్పుడూ గెలవదని ఉద్ఘాటించారు. వ్యవసాయ చట్టాలను ఉపసంహరించుకోవాలని డిమాండ్ చేశారు. ఇది ఆరంభం మాత్రమేనని 'IamWithFarmers' హాష్ట్యాగ్తో హిందీలో ట్వీట్ చేశారు.
''సత్యం కోసం రైతులు చేసే పోరాటాన్ని లోకంలోని ఏ ప్రభుత్వమూ ఆపలేదు. ఇప్పటికైనా రైతుల డిమాండ్లను మోదీ ప్రభుత్వం స్వీకరించి.. సమస్యలకు పరిష్కారం చూపాలి. వ్యవసాయ చట్టాలను ఉపసంహరించుకోవాలి. ఇది ఆరంభం మాత్రమే.''
- రాహుల్ గాంధీ, కాంగ్రెస్ నేత
వ్యవసాయ చట్టాలకు వ్యతిరేకంగా ఇప్పటికే పంజాబ్, హరియాణా రైతులు.. దిల్లీ బాట పట్టారు. తీవ్ర ఉద్రిక్తతల అనంతరం బురారీలోని నిరంకారీ సమాగం మైదానంలో శాంతియుత నిరసనలు చేసుకునేందుకు పోలీసులు అనుమతిచ్చారు.
ఇదీ చూడండి: 'ఛలో దిల్లీ'కి పోలీసులు ఓకే- రైతుల హర్షం
