జమ్ముకశ్మీర్లోని శ్రీనగర్, అనంత్నాగ్ సహ ఏడు చోట్ల జాతీయ దర్యాప్తు సంస్థ(ఎన్ఐఏ) ఆదివారం విస్తృత సోదాలు నిర్వహించింది. ఉగ్రవాద, ఐసిస్ స్థావరాల్లో ఈ తనిఖీలు చేపట్టింది. భారత్లో జిహాద్ కార్యకలాపాలు నిర్వహించే కుట్రలో భాగంగా.. ఐసిస్ ఉగ్రవాద నియామకం చేపట్టిందన్న ఆరోపణలతో జూన్ 29న కేసు నమోదైందని ఎన్ఐఏ ప్రతినిధి ఒకరు తెలిపారు. 'వాయిస్ ఆఫ్ హింద్' ప్రచురించిన ఓ కథనం ఆధారంగా ఈ చర్యలు తీసుకున్నామని చెప్పారు.
ఆదివారం నిర్వహించిన తనిఖీల్లో పెద్ద ఎత్తున డాక్యుమెంట్లు, మొబైల్ ఫోన్లు, ట్యాబ్లెట్లు, ల్యాప్టాప్లు, హార్డ్ డిస్క్లు, ఐసిస్ లోగోతో ఉన్న టీ-షర్టులను అధికారులు స్వాధీనం చేసుకున్నారు.
ఇదీ చూడండి: ఎన్కౌంటర్లో ఇద్దరు పాక్ ఉగ్రవాదులు హతం
ఇదీ చూడండి: 11 మంది సర్కారీ ఉద్యోగులపై వేటు
