Netaji Award 2022: స్వాతంత్య్ర సమరయోధుడు నేతాజీ సుభాష్ చంద్రబోస్ 125వ జయంతి సందర్భంగా నేతాజీ రీసెర్చ్ బ్యూరో.. జపాన్ మాజీ ప్రధాని షింజో అబేను సత్కరించింది. 'నేతాజీ అవార్డు 2022'ను షింజోకు ప్రధానం చేసింది. ఈ మేరకు కోల్కతాలోని ఎల్గిన్ రోడ్ ప్రాంతంలో నిర్వహించిన కార్యక్రమంలో షింజోకు బదులుగా అవార్డును స్వీకరించారు జపాన్ కన్సుల్ జనరల్ నకమురా యుతాకా. ఈ అవార్డు పొందడంపై హర్షం వ్యక్తం చేసిన జపాన్ మాజీ ప్రధాని.. కన్సుల్ జనరల్ ద్వారా తన సందేశం పంపారు.
"జపాన్ ప్రజాప్రతినిధిగా, మాజీ ప్రధానిగా.. భారత్తో ద్వైపాక్షిక సంబంధాలు బలోపేతం చేసేందుకు శాయశక్తులా కృషి చేశాను. ఇరు దేశాల మధ్య సత్సంబంధాలు మరింత పెరగాలని ఆశిస్తున్నా. రాజకీయ, ఆర్థిక, సంస్కృతిక అభివృద్ధి కోసం ఇరు దేశాలు పరస్పరం కృషి చేసుకోవాలి." అని మెసేజ్ ఇచ్చారు షింజో అబే.
ఈ కార్యక్రమంలో భాగంగా షింజో కూడా నేతాజీని ఆరాధిస్తారని.. సుభాష్ చంద్రబోస్ మనవడు, నేతాజీ రీసెర్చ్ బ్యూరో డైరెక్టర్ ప్రొఫెసర్ సుగాటా బోస్ తెలిపారు.
ఈ కార్యక్రమానికి ముఖ్య అతిథిగా బంగాల్ సీఎం మమత బెనర్జీ హాజరయ్యారు. భారత్లోని జపాన్ దౌత్యాధికారి సతోషి సుజుకి దిల్లీ నుంచి వర్చువల్గా ఈ కార్యక్రమంలో పాల్గొన్నారు.
ఇదీ చదవండి:
