పంజాబ్ కాంగ్రెస్ అసంతృప్తి నేత నవ్జ్యోత్ సింగ్ సిద్ధూ.. పార్టీ అగ్రనాయకుడు రాహుల్ గాంధీని బుధవారం సాయంత్రం కలిశారు. పార్టీ ప్రధాన కార్యదర్శి ప్రియాంక గాంధీ వాద్రాను కలిసిన అనంతరం రాహుల్తో సమావేశం అయ్యారు.
కెప్టెన్ అమరీందర్ సింగ్‌కూ, మాజీ మంత్రి నవజ్యోత్ సింగ్ సిద్ధూకు మధ్య ఘర్షణ వాతావరణం తారస్థాయికి చేరింది. ఈ నేపథ్యంలో కాంగ్రెస్ పార్టీ అంతర్గత సమస్యలను, కుమ్ములాటలను అధిష్ఠానం నివారించలేకపోతుందనే విమర్శలు వెల్లువెత్తుతున్న క్రమంలో రాహుల్తో నవజ్యోత్సమావేశం కావడం కీలక పరిణామమని నిపుణులు అభిప్రాయపడుతున్నారు.
పంజాబ్ అసెంబ్లీ ఎన్నికలు జరగనున్న తరుణంలో సీఎం కెప్టెన్ అమరీందర్ సింగ్పై కొంతకాలంగా బహిరంగంగానే విమర్శలు చేస్తున్నారు సిద్ధూ. ఈ సమస్యను పరిష్కరించేందుకు గతంలో ఓ ప్యానెల్ను ఏర్పాటు చేయగా.. ఆ కమిటీ ముందు కూడా సిద్ధూ హాజరయ్యారు.
ఇవీ చదవండి: సీఎంతో భేటీకి నో- సిద్ధూతో మాత్రం సుదీర్ఘ చర్చలు!
