మధ్యప్రదేశ్ మాజీ ముఖ్యమంత్రి, ఆ రాష్ట్ర కాంగ్రెస్ చీఫ్ కమల్నాథ్కు తృటిలో ప్రమాదం తప్పింది. ఇండోర్లోని డీఎన్ఎస్ ఆస్పత్రిలో చికిత్స పొందుతున్న ఆ పార్టీ నేత రమేశ్వర్ పటేల్ను ఆదివారం పరామర్శించేందుకు కమల్నాథ్ సహా పలువురు నేతలు వెళ్లారు. ఈ క్రమంలో వారు ఉన్న లిఫ్ట్ అకస్మాత్తుగా కిందకు పడిపోయింది. ఈ ఘటన జరిగినప్పుడు లిఫ్ట్లో కమల్నాథ్తో పాటు మాజీ మంత్రులైన సజ్జన్ వర్మ, జితు పట్వారీ, ఎమ్మెల్యే విశాల్ పటేల్, సిటీ కాంగ్రెస్ చీఫ్ వివేక్ బకిల్వాల్, భద్రత సిబ్బంది ఉన్నారు.
"మాజీ సీఎం కమల్నాథ్ సహా పలువురు నేతలు డీఎన్ఎస్ ఆస్పత్రిలో చికిత్స పొందుతున్న రామేశ్వర్ పటేల్ ఆరోగ్య పరిస్థితి తెలుసుకునేందుకు ఆస్పత్రికి వెళ్లారు. వారు ఎక్కిన లిఫ్ట్ అకస్మత్తుగా 10 ఫీట్ల దిగువకు పడిపోయింది. లాక్ అయిన లిఫ్ట్ తలుపులు తెరవడానికి 15 నిమిషాలు పట్టింది. ప్రస్తుతం అందరూ క్షేమంగానే ఉన్నారు. తృటిలో పెను ప్రమాదం తప్పింది. ఈ విషయాన్ని ఆస్పత్రి యాజమాన్యం తీవ్రంగా పరిగణించి, ప్రమాదానికి కారకులైన వారిపై చర్యలు తీసుకోవాలి."
-నరేంద్ర సలూజా, కమల్నాథ్ ప్రతినిధి
ఈ ఘటనపై స్పందించిన కమల్నాథ్.. భగవంతుడి కృప తనపై ఎల్లప్పుడూ ఉందని ట్వీట్ చేశారు.
ఈ ప్రమాదంపై దర్యాప్తునకు ముఖ్యమంత్రి శివరాజ్ సింగ్ చౌహాన్ ఆదేశాలు జారీ చేశారు.
ఇదీ చదవండి : నేడు అసోం, బంగాల్లో మోదీ పర్యటన
