బలవంతపు పెళ్లి నుంచి విముక్తి కలిగించాలని శిశు సంరక్షణ అధికారికి విజ్ఞప్తి చేసింది ఓ 16 ఏళ్ల బాలిక. తనకు చదువుకోవాలని ఉందని, వీలైతే తనను చదవించాలని కోరుతూ లేఖ రాసింది. ఈ ఘటన కర్ణాటకలో జరిగింది.
హసన్కు చెందిన బాలిక తండ్రి మరణించారు. అప్పటి నుంచి ఆమెకు బలవంతంగా పెళ్లి చేయాలని తల్లి ప్రయత్నిస్తోంది. దీంతో ఆమె ఇంటి నుంచి వెళ్లిపోయి స్నేహితురాలి నివాసంలో ఆశ్రయం తీసుకుంటోంది. ఈ నేపథ్యంలోనే అధికారులకు లేఖ రాసి తనకు సహాయం చేయాల్సిందిగా కోరింది.
బాలిక ప్రస్తుతం పదో తరగతి పాసైంది. ఆమెను బాలమందిర్కు పంపాలని అధికారులు నిర్ణయించినట్లు తెలుస్తోంది.
ఇదీ చూడండి: అక్కడ పెళ్లి జరగాలంటే ఆధార్ ఉండాల్సిందే!
