బిహార్లో(Bihar News) కొంతమంది బ్యాంకు ఖాతాల్లోకి కోట్ల రూపాయలు వచ్చిపడుతున్నాయి. కటిహార్లో ఇద్దరు విద్యార్థుల ఖాతాల్లో రూ.960 కోట్లు జమ అయిన ఒక్క రోజు వ్యవధిలోనే ముజఫర్లో(Muzaffarpur News) అలాంటి ఘటనే జరిగింది. ఓ వృద్ధుడి పింఛను ఖాతాలో ఏకంగా రూ.52కోట్లు జమ(Bihar Bank News) అయ్యాయి. బ్యాంకు బ్యాలెన్స్ చెక్ చేసుకునేందుకు వెళ్లగా అతనికి ఈ విషయం తెలిసింది. దీంతో అతడు ఆనందంతో పాటు ఆశ్చర్యానికి గురయ్యాడు.
ఖాతాల్లో కోట్లు జమ కావడంపై(bihar bank news today) స్థానికులు ఆసక్తిగా చర్చించుకుంటున్నారు. మరోపైపు నగదు జమ అయిన వాళ్లు మాత్రం దాన్ని వినియోగించుకునేందుకు అధికారులు అనుతించకపోవడం వల్ల నిరాశ చెందుతున్నారు. అదృష్టం కలిసొచ్చినా అవకాశం దొరకట్లేదనుకుంటున్నారు.
తన ఉత్తర్ బిహార్ గ్రామీణ్ బ్యాంకు ఖాతాలో డబ్బు ఎంత ఉందో చూసుకునేందుక సీఎస్పీ ఆపరేటర్ వద్దకు వెళ్లినప్పుడు ఆధార్ వెరిఫికేషన్ కోసం బొటనవేలు పెట్టగానే రూ.52కోట్ల బ్యాలెన్స్ కన్పించిందని వృద్ధుడు రామ్ బహదూర్ షా మీడియాకు వెల్లడించారు. అది చూసి తాను ఆశ్చర్యపోయానని, అంత డబ్బు ఎక్కడి నుంచి వచ్చిందో అర్థంకాలేదని పేర్కొన్నారు. తాము వ్యవసాయం చేసి జీవనం సాగిస్తామని వివరించారు.
తమ ఖాతాలో ఇంత భారీ మొత్తం జమ కావడం ఆనందంగా ఉందని, వృద్ధాప్యంలో కొంత డబ్బు వినియోగించుకునేందుకు ప్రభుత్వం తమకు అనుమతి ఇవ్వాలని రామ్ బహదూర్ డిమాండ్ చేశారు.
బిహార్లో ఇలాంటి ఘటన జరగడం(Bihar Latest News) రోజుల వ్యవధిలోనే ఇది మూడోసారి. ఇటీవలే ఖగడియాలో ఓ యువకుడి ఖాతాలో రూ5.5లక్షలు జమ అయ్యాయి. కటిహార్లో ఇద్దరు విద్యార్థుల ఖాతాల్లో రూ.960కోట్లు వచ్చి పడ్డాయి. ఇప్పుడు రామ్బహదూర్ పింఛను ఖాతాలో రూ.52కోట్లు క్రెడిట్ అయ్యాయి. అయితే ఇవి ఎక్కడి నుంచి వస్తున్నాయో తెలియక అధికారులు అయోమయంలో ఉన్నారు. వీరి ఖాతాలను తాత్కాలికంగా నిలిపివేస్తున్నారు.
ఇదీ చదవండి: ఆ విద్యార్థుల ఖాతాల్లో రూ.వందల కోట్లు.. ఎలా వచ్చాయ్?
'నా ఖాతాలో ఆ డబ్బు మోదీనే జమచేశారు.. నేనివ్వను'
