'భారీగా పతంజలి కల్తీ నూనె- ఫ్యాక్టరీ సీజ్'

రాజస్థాన్​లోని ఓ ఆయిల్​ మిల్లును అక్కడి జిల్లా యంత్రాంగం సీజ్​ చేసింది. ఫ్యాక్టరీలో కల్తీ నూనెను ఉత్పత్తి చేస్తున్నారు ఆనే ఆరోపణలతో అధికారులు సోదాలు నిర్వహించారు. ఈ క్రమంలో భారీగా పతంజలి పేరిట ఉన్న కల్తీ నూనె సీసాలను అధికారులు గుర్తించారు. వాటిని స్వాధీనం చేసుకున్నారు.

రాజస్థాన్‌ అల్వర్ జిల్లా పరిపాలన యంత్రాంగం స్థానికంగా ఉండే 'సింఘానియా' ఆయిల్ మిల్లును సీజ్​ చేసింది. ఇందులో భారీగా కల్తీ నూనెను ఉత్పత్తి చేస్తున్నట్లు ఆరోపణలు వస్తున్న నేపథ్యంలో అధికారుల సోదాలు నిర్వహించారు. ఈ సోదాల్లో ప్రముఖ యోగా గురువు బాబా రాందేవ్​కు చెందిన పతంజలి ఆవ నూనె సీసాలను స్వాధీనం చేసుకున్నారు.

తదుపరి దర్యాప్తు కోసం అక్కడున్న ఆవ నూనె నమూనాలను అధికారులు సేకరించారు. ప్రముఖ యోగా గురువు బాబా రాందేవ్​కు చెందిన పతంజలి.. కల్తీ ఆవ నూనెను విక్రయిస్తున్నట్లు ఫిర్యాదులు అందడం వల్ల సోదాలు చేసినట్లు అల్వర్ సబ్ డివిజన్ అధికారి యోగేష్ ఠాగూర్ తెలిపారు.

ఇదీ చూడండి: యూపీ కల్తీ మద్యం.. 15కి చేరిన మృతుల సంఖ్య