పాకిస్థాన్తో సంబంధం ఉన్న ముగ్గురు ఉగ్రవాదులు శుక్రవారం ముంబయిలోకి ప్రవేశించినట్లు పోలీసులకు సమాచారం అందింది. దీంతో ముంబయి పోలీసులు అప్రమత్తమయ్యారు. ఫోన్ కాల్ నిజమో కాదో తెలుసుకునేందుకు ప్రత్యేక బృందాలతో దర్యాప్తు చేపడుతున్నట్లు అధికారులు తెలిపారు. అయితే దర్యాప్తు చేపట్టిన పోలీసు బృందాలు ఇది బూటకపు ఫోన్ కాల్గా గుర్తించారు. దీంతో ఫోన్ చేసిన వ్యక్తిపై కేసు నమోదు చేసుకుని విచారణ చేస్తున్నట్లు వెల్లడించారు.
దుబాయ్ నుంచి ముగ్గురు ఉగ్రవాదులు వచ్చినట్లు రాజా థోంగే అనే వ్యక్తి ముంబయి కంట్రోల్ రూమ్కు కాల్ చేసి సమాచారం అందించాడు. శుక్రవారం తెల్లవారుజామున పాకిస్థాన్తో సంబంధాలు ఉన్న ముగ్గురు ఉగ్రవాదులు ముంబయి చేరుకున్నారని రాజా థోంగే కంట్రోల్ రూమ్కు ఫోన్ చేసి చెప్పాడు. దుబాయ్ నుంచి వచ్చిన ముగ్గురిలో ఒకరి పేరు ముజిమ్ సయ్యద్ అని.. అతని ఫోన్ నంబర్, కారు నంబర్ను పోలీసులకు తెలిపాడు రాజా థోంగే. కంట్రోల్ రూమ్కు కాల్ చేసిన రాజా థోంగ్ తాను ఓ వ్యాపారినని ముంబయిలోనే ఉంటానని పోలీసులకు తెలిపాడు. అయితే ముంబయికి చెందిన ఓ సీనియర్ పోలీసు అధికారికి కూడా ముగ్గురు ఉగ్రవాదులో నగరంలోకి ప్రవేశించి మెరుపు దాడులకు పాల్పడే అవకాశం ఉందని సమాచారం అందింది.
రాజా థోంగే ఇచ్చిన సమాచారం ప్రకారం అప్రమత్తమైన ముంబయి పోలీసు యంత్రాగం ముజిమ్ సయ్యద్ కారు, ఫోన్ నంబర్ల ద్వారా విచారణ చేపట్టారు. ఈ ఫోన్ కాల్ నిజమా లేక నకిలీదా అనే గుర్తించేందుకు.. రాజా థోంగే నంబర్ను కూడా ట్రేస్ చేసే పనిలో ఉన్నట్లు పోలీసులు తెలిపారు. అయితే, అతడి ఫోన్ సైతం స్విచ్ఛాఫ్ వచ్చిందని వెల్లడించారు. గతంలో కూడా ముంబయి ట్రాఫిక్ పోలీసు విభాగం జాయింట్ కమిషనర్ ప్రవీణ్ పడ్వాల్కు రాత్రి 1 గంట సమయంలో ఇలాంటి కాల్స్నే వచ్చింది. కమిషనర్కు కాల్ చేసిన ఆ వక్తి మీరా రోడ్లో బాంబు పేలుడు జరుగుతుందని సమాచారం అందించాడు. అయితే పోలీసులు ఆ కాల్ నకిలీదని గుర్తించారు. ఇవే కాకుండా ట్రాఫిక్ పోలీస్ కంట్రోల్ రూమ్ వాట్సాప్ నంబర్కు వరుసగా బెదిరింపు కాల్స్, మెసేజ్లు వస్తున్నాయి.
'మోదీ, యోగిని చంపుతా'
దేశ ప్రధాని నరేంద్ర మోదీ, ఉత్తర్ప్రదేశ్ సీఎం యోగి ఆదిత్యనాథ్ను చంపుతానంటూ ఓ వ్యక్తి ఏప్రిల్ 3న బెదిరించాడు. ఆ అగంతకుడు ఉత్తర్ప్రదేశ్ నోయిడాలో ఉన్న ఓ ప్రముఖ మీడియా సంస్థకు ఈ మెయిల్ ద్వారా వెలడించాడు. దీంతో ఆ మీడియా సంస్థకు సంబంధించిన అధికారులు వెంటనే యూపీ పోలీసులుకు సమాచారం అందించారు. దేశ ప్రధానినే చంపుతామని బెదరింపులు రావడం వల్ల పోలీసులు ఈ కేసులు సీరియస్గా తీసుకుని విచారణ చేపట్టారు. ఈ స్టోరీకి సంబంధించి పూర్తి వివరాల కోసం ఇక్కడ క్లిక్ చేయండి.
