Mumbai Covid Cases: ఓవైపు ఒమిక్రాన్ వేరియంట్ విజృంభణతో ప్రపంచ దేశాలు వణికిపోతుంటే.. భారత్లో కరోనా కేసులు మళ్లీ ఆందోళన కలిగిస్తున్నాయి. ఆయా రాష్ట్రాల్లో కేసులు విపరీతంగా పెరిగిపోతున్నాయి. వేలాదిగా కొత్త కేసులు నమోదవుతున్నాయి.
ముంబయిలో మంగళవారం ఒక్కరోజే 10 వేల 860 కేసులు వెలుగులోకి వచ్చాయి. మొత్తంగా మహారాష్ట్రలో 18,466 మందికి వైరస్ సోకింది. 20 మంది ప్రాణాలు కోల్పోయారు. మహారాష్ట్రలో మొత్తం ఒమిక్రాన్ కేసుల సంఖ్య 653కు చేరింది.
ఇతర రాష్ట్రాల్లో ఇలా..
- Delhi corona cases: దిల్లీలోనూ కొవిడ్ కేసులు భారీగా పెరిగాయి. కొత్తగా 5,481 మంది వైరస్ బారినపడ్డారు. పాజిటివిటి రేటు 8.37 శాతానికి చేరినట్లు వైద్యాధికారులు తెలిపారు.
- బంగాల్లోనూ కరోనా విజృంభిస్తోంది. మంగళవారం 9,073 మందికి వైరస్ సోకింది. 3,768 మంది కరోనా నుంచి కోలుకున్నారు. మరో 16 మంది వైరస్ కారణంగా చనిపోయారు.
- కేరళలో 3,640 కొత్త కేసులు.. ప్రభుత్వం సవరించిన దాని ప్రకారం 453 మరణాలు సంభవించాయి. అయితే ఈ ఒక్కరోజు 30 మంది చనిపోయినట్లు అధికారులు తెలిపారు. రాష్ట్రంలో మొత్తం కరోనా కేసుల సంఖ్య 52,49,489కి చేరింది. ఇప్పటివరకు 48,637 మంది కొవిడ్కు బలయ్యారు.
- తమిళనాడులో కొత్తగా 2,731 మందిలో వైరస్ నిర్ధరణ అయ్యింది. మరో 9 మంది చనిపోయారు. 674 మంది కోలుకున్నట్లు వైద్యాధికారులు తెలిపారు. యాక్టివ్ కేసుల సంఖ్యం 12,412 గా ఉంది.
- గుజరాత్లో కొత్తగా 2,265 వైరస్ కేసులు నమోదు అయ్యాయి. 240 మంది వైరస్ నుంచి కోలుకున్నారు. ఇద్దరు చనిపోయిట్లు అధికారులు తెలిపారు. ప్రస్తుతం 7,800 యాక్టివ్ కేసులు ఉన్నట్లు ఆరోగ్య శాఖ వెల్లడించింది.
- కర్ణాటకలో కొవిడ్ బాధితుల సంఖ్య మరింత పెరిగింది. రాష్ట్రంలో 2,479 కొత్త కేసులు, నాలుగు మరణాలు నమోదయ్యాయి. దీంతో మొత్తం కేసులు 30,13,326, మరణాలు 38,355కు చేరాయి.
- నార్త్ బంగాల్లో మెడికల్ కాలేజీలో 19 కొత్త కేసులు నమోదయ్యాయి. వారిలో నలుగురు విద్యార్థులు ఉన్నట్లు అధికారులు తెలిపారు. పంజాబ్ లూథియానాలోని డీఎంసీ నర్సింగ్ కాలేజీలో 41 మంది విద్యార్థులు కరోనా బారిన పడ్డారు. వీరిలో 23 మంది ఆసుపత్రిలో చేరినట్లు ఆ రాష్ట్ర ముఖ్యమంత్రి కార్యాలయం పేర్కొంది.
- వైరస్ వ్యాప్తిని దృష్టిలో ఉంచుకొని ఊరేగింపులు, ర్యాలీలు, బహిరంగ సభలు, సామాజిక, సాంస్కృతిక క్రీడా కార్యక్రమాలపై నిషేధం విధించినట్లు ఛత్తీస్గఢ్ ముఖ్యమంత్రి కార్యాలయం తెలిపింది. రాష్ట్రంలోని రైల్వే స్టేషన్‌లు, సరిహద్దుల్లో వైరస్ పరీక్షలు చేస్తున్నారు. కేసుల సంఖ్య పెరుగుతుండటంతో ఆసుపత్రిలో పడకలను, మందులను సిద్ధం చేశారు.
- ఝూర్ఖండ్లోని రాంచీ ఎయిర్ పోర్ట్లో ఉచితంగా కొవిడ్ పరీక్షలను జరుపుతున్నారు. ప్రయాణికులు ఎవరైనా 72 గంటల లోపు ఆర్టీపీసీఆర్ నెగెటివ్ రిపోర్ట్ లేదా వ్యాక్సినేషన్ రిపోర్ట్ను చూపిస్తే వారికి మాత్రమే పరీక్షల నుంచి మినహాయింపు ఇస్తున్నారు.
ఇదీ చూడండి: ఐఐటీ ఖరగ్పుర్లో కరోనా కలకలం- ఆ 60 మందికి..
