ఇంట్లో దోమల బెడద అధికంగా ఉందా? - ఈ నేచురల్​ చిట్కాలతో వాటిని తరిమికొట్టండి!

-కెమికల్​ రిపెల్లెంట్లు, కాయిల్స్​తో అనారోగ్య సమస్యలు -ఈ టిప్స్​తో ఒక్క దోమ కూడా ఉండదు!

Home Remedies Get Rid Of Mosquitoes : ఏ కాలమైనా దోమలు విజృంభిస్తుంటాయి. దీంతో చాలా మంది వాటిని తరిమికొట్టేందుకు రకరకాల మస్కిటో రిపెల్లెంట్లు, కాయిల్స్ వంటివి యూజ్ చేస్తుంటారు. అయితే.. అవి దోమల్ని తరిమికొట్టడం అటుంచితే.. వాటిలో ఉండే కెమికల్స్ ఆరోగ్యానికి నష్టం కలిగిస్తాయని నిపుణులు చెబుతున్నారు. అందుకే.. సహజ సిద్ధంగా దోమల(Mosquitoes) బెడదను తగ్గించుకోవడానికి కొన్ని చిట్కాలు సూచిస్తున్నారు. అవేంటో ఈ స్టోరీలో చూద్దాం.

వేప నూనె, కర్పూరం, బిర్యానీ ఆకులు : చిన్న గిన్నెలో ఒక టేబుల్ స్పూన్ వేప నూనె తీసుకొని అందులో ఐదు నుంచి ఆరు కర్పూరం బిల్లలను వేసుకొని కరిగించుకోవాలి. తర్వాత ఆ మిశ్రమాన్ని బిర్యానీ ఆకులకు పూసి, ఆకులను కాల్చడం ద్వారా వచ్చే ఆ పొగకు దోమలు పారిపోతాయని చెబుతున్నారు.

వేప నూనె, కర్పూరంతో దీపం : కొద్దిగా వేపనూనె తీసుకొని అందులో కర్పూరం బిల్లలు వేసుకోవాలి. దీనిని స్టౌపై పెట్టి కరిగించుకోవాలి. ఆ ఆయిల్​ని ఒక ప్రమిదలోకి పోసుకొని వత్తిని వేసుకొని దీపం వెలిగించుకోవాలి. అలా వెలిగించడం వల్ల ఆ వత్తి నుంచి వచ్చే పొగను దోమలు తట్టుకోలేక అక్కడి నుంచి పారిపోతాయని అంటున్నారు.

కర్పూరం, వేప ఆకుల పొగ : రోజూ మస్కిటో కాయిల్స్ వెలిగించే బదులు.. కిటికీలు, తలుపులు మూసి కాస్త కర్పూరం, వేపాకులు కలిపి 15 నిమిషాల పాటు పొగ వేయాలి. ఒకవేళ వేపాకులు లేకపోతే.. కర్పూరంతోనూ పొగ వేసినా దోమలు మళ్లీ ఇంట్లోకి రావంటున్నారు.

నిమ్మకాయ, లవంగాలు : నిమ్మకాయ లవంగాలను ఉపయోగించి దోమల బాధ నుంచి ఉపశమనం పొందవచ్చు. ఇందుకోసం.. నిమ్మకాయను రెండు ముక్కలుగా అడ్డంగా కట్ చేయాలి. ఇలా కట్ చేసుకున్న నిమ్మకాయ ముక్కలపై లవంగాలను గుచ్చి.. మంచానికి దగ్గరగా లేదా పడుకున్న చోటుకు దగ్గరగా పెట్టుకుంటే అక్కడ దోమలు రాకుండా ఉంటాయట.

వాము ఆకులతో : చాలా మంది వాము ఆకులను కూరల్లో ఉపయోగిస్తుంటారు. అయితే, వీటితో దోమలను కూడా తరిమికొట్టవచ్చని నిపుణులు అంటున్నారు. ఇందుకోసం పింగాణి పాత్రలో వాము ఆకులను వేసుకోవాలి. ఆపై వాటిని కాల్చడం ద్వారా దోమలను తరిమికొట్టవచ్చు. పింగాణి పాత్రను ఇంట్లోకి దోమలు ఎటునుంచి వస్తున్నాయో అక్కడ పెడితే సరిపోతుంది.

వాము ఆకు వాటర్​తో : ముందుగా గిన్నెలో కొన్ని నీటిని తీసుకుని స్టౌపై పెట్టి మరిగించాలి. ఆపై మరిగే నీటిలో కొన్ని వాము ఆకులను వేయాలి. 5 నిమిషాల తర్వాత నీటిని చల్లార్చి.. ఒక బాటిల్లో పోసుకోవాలి. మనం బయటకు వెళ్లేటప్పుడు మిశ్రమాన్ని చేతులు, కాళ్లపై కొద్దిగా స్ప్రే చేసుకోవాలి. ఇలా చేస్తే బయట కూడా దోమలు కుట్టకుండా కాపాడుకోవచ్చని చెబుతున్నారు.

మరికొన్ని చిట్కాలు:

• ఈ చిట్కాలతో పాటు ఇంటి చుట్టూ నీరు నిల్వ ఉండకుండా చూసుకోవాలి.
• అలాగే సాయంత్రం వేళల్లో దోమలు ఎక్కువగా వచ్చే అవకాశం ఉంది. కాబట్టి, కిటికీలు, తలుపులు వీలైనంత వరకు మూసి ఉంచాలి.

ఇవి కూడా చదవండి :