labour died in ghaziabad: దిల్లీ సరిహద్దుల్లో ఉండే ఘాజియాబాద్లోని విజయనగర్లో ఓ విషాద ఘటన జరిగింది. నిర్మాణంలో ఉన్న గోడ కూలి ఇద్దరు వలస కూలీలు మృతి చెందారు. మరో ముగ్గురికి తీవ్రంగా గాయాలు అయ్యాయి. ప్రస్తుతం వారి పరిస్థితి విషమంగా ఉందని అధికారులు తెలిపారు. గోడ నిర్మాణం జరుగుతున్నప్పుడు ఈ స్థలంలో 16 మంది కూలీలు ఉన్నట్లు అధికారులు తెలిపారు. అయితే సుమారు రాత్రి రెండు గంటల ఆ ప్రాంతంలో గోడ ఒక్కసారిగా కుప్పకూలిందని పేర్కొన్నారు.
దీనిపై పోలీసులు, అగ్నిమాపక సిబ్బందికి సమాచారం అందించగా.. ఘటనా స్థలానికి చేరుకుని కూలీలను రక్షించారు. అనంతరం గాయపడిన వారిని చికిత్స నిమిత్తం ఆస్పత్రికి తరలించారు. అయితే ఎంతమంది చనిపోయారనే విషయాన్ని మాత్రం అధికారులు ఇంకా ధ్రువీకరించలేదు. గాయపడిన కూలీలు బిహార్ చెందిన వారుగా అధికారులు గుర్తించారు. ఈ ఘటనకు సంబంధించిన మరిన్ని విషయాలపై దర్యాప్తు చేస్తున్నట్లు పేర్కొన్నారు.
ఇదీ చూడండి:
