Mother Killed Son: వివాహేతర సంబంధానికి అడ్డొస్తున్నాడని.. తన మూడేళ్ల కుమారుడ్ని హత్య చేసింది ఓ మహిళ. మహ్మద్ షామిర్, ఆసియాల కుమారుడు మహ్మద్ షాన్.. మంగళవారం రోజు ఇంట్లో విగతజీవిగా కనిపించాడు. అనంతరం.. పోలీసులు ఆసియాను అదుపులోకి తీసుకొని విచారించగా అసలు నిజం బయటపడింది. చంపింది తానేనని పోలీసుల ముందు అంగీకరించింది. కేరళ పాలక్కాడ్లోని ఏలప్పుళిలో జరిగిందీ ఘటన.
అసలేమైంది? ఆసియా భర్త షామిర్కు మాటలు సరిగా రావు. సంవత్సర కాలంగా భర్తకు దూరంగా ఉంటోంది. ఈ క్రమంలోనే ఆమె మరొకరితో సన్నిహితంగా ఉండటం ప్రారంభించింది. ఆసియాకు కుమారుడు ఉన్న విషయం అతనికి తెలియదు. కొంతకాలానికి నిజం తెలుసుకొని ఆమెతో మాట్లాడటం మానేశాడు. దీంతో 'ప్రేమించిన వ్యక్తి' ఎక్కడ తనకు దూరమవుతాడో అని భావించి తల్లే చిన్నారిని హత్య చేసినట్లు పోలీసుల విచారణలో తేలింది.
ఆసియా తొలుత పోలీసులను తప్పుదారి పట్టించే ప్రయత్నం చేసింది. తన కుమారుడు ఉదయం నిద్రలేవలేదని, తర్వాత.. ఖర్జూరం తిని అపస్మారక స్థితిలోకి వెళ్లాడని ఏవేవో మాయమాటలు చెప్పింది. పోలీసులు కస్టడీలోకి తీసుకొని ప్రశ్నించగా.. చివరకు తానే హత్య చేసినట్లు ఒప్పుకుంది.
ఇవీ చూడండి: భార్యపై అనుమానం.. నాలుగేళ్ల పాటు బంధించి చిత్రహింసలు
