దీపావళికి స్వదేశీ వస్తువులే కొనండి: మోదీ

స్వదేశీ వస్తువులకు ప్రోత్సాహం అందించేందుకు దీపావళి రూపంలో గొప్ప అవకాశం లభించిందని ప్రధాని నరేంద్రమోదీ అన్నారు. ఈ పండుగ వేళ ప్రతి ఒక్కరూ స్వదేశీ ఉత్పత్తులనే కొనుగోలు చేయాలని పిలుపునిచ్చారు. ఇది దేశ ఆర్థిక వ్యవస్థకు ఊతమిస్తుందన్నారు.

దీపావళి సందర్భంగా స్వదేశీ వస్తువులనే కొనాలని ప్రధాని నరేంద్రమోదీ పిలుపునిచ్చారు. ఇది భారత ఆర్థిక వ్యవస్థకు కొత్త శక్తిని ఇస్తుందని తెలిపారు. వారణాసిలో అభివృద్ధి కార్యక్రమాలను వర్చువల్​ ప్రారంభించిన మోదీ.. దేశ ప్రజలకు పండుగ శుభాకాంక్షలు తెలుపుతూ ఈ సందేశం ఇచ్చారు.

"దీపావళి సందర్భంగా దేశంలో స్వదేశీ మంత్రం వినిపిస్తోంది. నేను దేశ ప్రజలందరికీ ఓ విషయం చెప్పాలనుకుంటున్నా. దీపావళి రూపంలో స్వదేశీ వస్తువులకు ప్రోత్సహం అందించడానికి గొప్ప సమయం దొరికింది. ప్రతి ఒక్కరూ గర్వంగా స్వదేశీ వస్తువులనే కొనుగోలు చేయాలి. వాటి గురించి మాట్లాడాలి. ప్రశంసించాలి. ఇతరులకు చెప్పాలి."

- నరేంద్రమోదీ, ప్రధానమంత్రి

స్వదేశీ వస్తువులకు ప్రోత్సాహం అంటే.. దివ్వెలను కొనడమే కాదు, వాటిని దీపావళికి వెలిగించాలని మోదీ అన్నారు. ఇది తయారీదారుల్లో విశ్వాసం కలిగిస్తుందన్నారు.

ఇదీ చూడండి: వారణాసిలో 614 కోట్ల అభివృద్ధి పనులకు మోదీ శ్రీకారం