Missionaries Of Charity News: మదర్ థెరిసా స్థాపించిన మిషనరీస్ ఆఫ్ ఛారిటీకి చెందిన బ్యాంకు ఖాతాలను కేంద్రం నిలిపివేయడంపై ఆ సంస్థకు చెందిన ఉన్నతాధికారులు స్పందించారు. తమ సేవలు యథాతథంగా కొనసాగుతాయని తెలిపారు.
"అనాథలకు ఆశ్రయం కల్పించడం, పేదలకు సాయం చేయడం యథాతథంగా కొనసాగుతుంది. భారత్లో ఇన్నేళ్లపాటు ప్రజల ప్రేమ, అండతోనే ఉండగలిగాం. ఇకపైనా పేదలు, వృద్ధులు, రోగులు, నిరాశ్రయులకు సాయం చేయడం కొనసాగుతుంది." అని మిషనరీస్ ఆఫ్ ఛారిటీకు చెందిన ఉన్నతాధికారులు వివరించారు.
ఈ వ్యవహారాన్నియథాతథస్థితికి తీసుకొచ్చేందుకు నిపుణులు, ఆడిటర్స్తో తాము చర్చలు జరుపుతున్నామని అధికారులు తెలిపారు.
మిషనరీస్ ఆఫ్ ఛారిటీని నోబెల్ శాంతి బహుమతి గ్రహీత, భారత రత్న మదర్ థెరిసా 1950లో స్థాపించారు. ప్రధాన కార్యాలయం కోల్కతాలో ఉంది. ప్రపంచదేశాల నుంచి వచ్చిన విరాళాలను ఉపయోగించుకోవడానికి.. ఈ సంస్థకు దేశవ్యాప్తంగా 250 బ్యాంకు ఖాతాలు ఉన్నాయి.
ఇదీ చూడండి: థెరిసా మిషనరీల 'ఖాతాల ఫ్రీజ్'పై రాజకీయ దుమారం
