పెళ్లి అంటేనే సందడి. ఇంట్లో జరిగే పెళ్లి వేడుక గురించి ఊరంతా చెప్పుకోవాలని అనుకుంటారు వధూవరుల తల్లిదండ్రులు. రాజస్థాన్లోని ఝున్ఝును జిల్లా ఖేతడీలో జరిగిన ఓ వివాహం ఇప్పుడు స్థానికంగానే కాదు దేశమంతటా చర్చనీయాంశమైంది. ఎందుకంటే ఇక్కడ ఒకేసారి ఆరుగురు అక్కాచెల్లెళ్ల పెళ్లిళ్లు జరిగాయి.
స్కూల్ బస్ డ్రైవర్గా పనిచేసే రోహితాక్షవ్కు ఏడుగురు కూమార్తెలు, ఓ కుమారుడు. వీరిలో పెళ్లి ఈడు వచ్చిన ఆరుగురు కుమార్తెలకు వివాహం చేయాలని రోహితాక్షవ్ భావించాడు. ఆరుగురు కూమార్తెలలో ఇద్దరేసి చొప్పున ఇద్దరు అన్నదమ్ములు ఉన్న ఓ కుటుంబంతో సంబంధం నిశ్చయం చేశాడు. పెద్ద కుమార్తె మీనా దుఖేరా, మూడో కుమార్తె సీమాల వివాహం.. హరియాణాకు చెందిన నరేశ్, భైరూసింగ్తో జరిగింది. రెండవ కుమార్తె అంజు, నాలుగో కుమార్తె నిక్కీలు నీమ్కాఠాణాకు చెందిన ధర్మవీర్, విజేంద్రలను పెళ్లాడారు. అదే విధంగా యోగితా, సంగీతల వివాహం.. కుతానియాకు చెందిన ప్రదీప్, మోహిత్లతో జరిగింది.
ఘనంగా పెళ్లి వేడుకలు..
పెళ్లి బారాత్కు పసుపు దుస్తులు ధరించి, డీజేలో కుటుంబసభ్యులతో కలిసి పెళ్లి కూతుర్లు వేసిన స్టెప్పులు అక్కడి వారిని ఆకట్టుకున్నాయి.
ఈ వధువులు సమాజిక సేవలో కూడా ముందుంటారు. కరోనా సమయంలో సోదరుడు వికాస్ గుర్జార్ ఆధ్వర్యంలో మాస్కులు కుట్టి గ్రామమంతా పంచారు. స్కౌట్గా సేవలకుగాను వికాస్ గుర్జార్కు రాష్ట్రపతి అవార్డు కూడా దక్కింది.
ఆరుగురి కూతుళ్ల వివాహంతో తండ్రి రోహితాక్షవ్ సహా కుటుంబసభ్యులు ఉబ్బితబ్బిపోయారు. అదే సమయంలో వివాహాలు పూర్తయ్యాక భావోద్వేగానికి లోనయ్యారు.
ఇదీ చూడండి : Barmer daughter: కట్నం డబ్బులు.. గర్ల్స్ హాస్టల్ నిర్మాణానికి విరాళం
