అంగారకుడిపై నాసా విజయవంతంగా 'పర్సెవరెన్స్' రోవర్ను ప్రవేశపెట్టింది. మార్స్పై జీవజాలం జాడను కనుగొనుదొనేందుకు ఇది ఉపయోగపడుతుంది. అయితే అరుణ గ్రహానికి భారత్ చేపట్టబోయే తదుపరి ప్రయోగం మంగళ్యాన్-2 కూడా 'ఆర్బిటర్ మిషన్' అని భారత అంతరిక్ష పరిశోధన సంస్థ (ఇస్రో) ఛైర్మన్ కే శివన్ తెలిపారు.
రోవర్.. అంగారకుడిపై దిగి అక్కడి నమూనాలను భూమిపైకి పంపిస్తుంది. ఆర్బిటర్.. మార్స్ కక్ష్యలో తిరగుతూ సమాచారం అందిస్తుంది. అయితే.. ఈ మంగళ్యాన్-2 ప్రయోగం ఎప్పుడు చేపడతారో శివన్ స్పష్టతనివ్వలేదు. చంద్రయాన్-3 తర్వాతే దానిని ప్రయోగిస్తామని చెప్పారు. మార్స్పై ల్యాండింగ్ చాలా కష్టం అని శివన్ నొక్కి చెప్పారు.
అంగారకుడిపై తొలి ప్రయోగం మార్స్ ఆర్బిటర్ మిషన్ (మామ్) విజయవంతమైన తర్వాత రెండో దఫా ప్రయోగం కోసం అవకాశాలను అన్వేషిస్తోంది ఇస్రో. శాస్త్రీయ వర్గాల నుంచి సూచనలు రాగానే వాటిపై చర్చ అనంతరం స్పేస్ కమిషన్ ఓ నిర్ణయం తీసుకుంటుందని శివన్ అన్నారు. మంగళ్యాన్-1 ఇప్పటికీ బాగా పనిచేస్తూ సమాచారాన్ని చేరవేస్తోందని తెలిపారు.
కరోనా కారణంగా వాయిదా పడిన చంద్రయాన్-3.. 2022లో చంద్రునిపై రోవర్ను దింపే అవకాశం ఉంది.
ఇదీ చూడండి: అంతరిక్ష సహకారంపై ఇస్రో, ఆస్ట్రేలియా ఒప్పందం
