farmer helicopter: హెలికాప్టర్ కొనుగోలు చేయడానికి రూ.6.6కోట్లు రుణం కావాలని బ్యాంకుకు దరఖాస్తు చేసుకున్నాడు కైలాశ్ పతంగే అనే యువ రైతు. అతనిది మహారాష్ట్ర ఔరంగాబాద్లోని తక్టోడా గ్రామం. లోన్ కోసం గోరేగావ్లోని ఓ బ్యాంక్ను ఆశ్రయించాడు.
అసలేం జరిగిందంటే: కైలాశ్కు రెండు ఎకరాల భూమి ఉంది. అందులో సోయాబీన్ పంటను గత రెండు సంవత్సరాలుగా పండిస్తున్నాడు. అయితే అకాల వర్షాల వల్ల కొన్నిసార్లు, సమయానికి వర్షాలు కురవకపోవడం వల్ల మరికొన్నిసార్లు వ్యవసాయంలో నష్టాలు చవిచూశాడు. అందుకే వ్యవసాయం గిట్టుబాటు కావట్లేదని వాపోయాడు. హెలికాప్టర్ కొని అద్దెకు ఇచ్చి డబ్బులు సంపాదించాలని నిర్ణయించుకుని లోన్ కోసం బ్యాంక్ను ఆశ్రయించాడు.
"పెద్ద వ్యక్తులు మాత్రమే పెద్ద కలలు కనాలని ఎవరు చెప్పారు. రైతులు కూడా పెద్ద కలలు కనాలి. హెలికాప్టర్ కొనుగోలు కోసం రూ.6.65 కోట్ల లోన్ కోసం దరఖాస్తు చేసుకున్నాను. ఇతర వ్యాపారాల్లో తీవ్ర పోటీ ఉంది. అందుకే నేను హెలికాప్టర్ను కొని అద్దెకు ఇవ్వాలనుకుంటున్నాను."
- కైలాశ్ పతంగే, యువరైతు
ఇవీ చదవండి: దీవిని తలపిస్తున్న స్కూల్.. చుట్టూ నీరు.. లోపల 150 మంది విద్యార్థులు
