మహారాష్ట్రలో కరోనా కలకలం రేపుతోంది. పాల్గఢ్లోని నందోర్ ప్రభుత్వ ఆశ్రమ పాఠశాలలో 30 మంది విద్యార్థులకు కొవిడ్ పాజిటివ్గా నిర్ధరణ అయింది. వారితో పాటు ఓ టీచర్కూ వైరస్ సోకినట్టు తేలింది.
మొత్తం 193 మంది విద్యార్థులున్న ఆ పాఠశాలలో కొందరు విద్యార్థుల్లో ఇటీవల కరోనా లక్షణాలు కనిపించిన వెంటనే టెస్టింగ్ నిర్వహించినట్టు ఆరోగ్య అధికారులు తెలిపారు. వైరస్ సోకిన వారందరినీ ఆస్పత్రికి తరలించి చికిత్స అందిస్తున్నట్టు చెప్పారు. ఆ పాఠశాలను కంటైన్మెంట్ జోన్గా ప్రకటించినట్టు వెల్లడించారు.
గత వారం.. జవహార్లోని మూడు ఆశ్రమ పాఠశాలల్లో కరోనా పరీక్షలు నిర్వహించగా 79 మంది వైరస్ బారినపడ్డారు. బాధితుల్లో విద్యార్థులు, ఉపాధ్యాయులు, ఇతర సిబ్బంది ఉన్నారు.
ఇదీ చదవండి: కొవిడ్ సెకండ్‌ వేవ్‌: ఆంక్షల దిశగా రాష్ట్రాలు!
