ఏ వస్తువులు కావాలన్నా ఆర్డర్ చేస్తే ఇంటికి తెచ్చిచ్చే ఈ-కామర్స్ సంస్థ అమెజాన్ ఓ కస్టమర్కు షాకిచ్చింది. ఖరీదైన ల్యాప్టాప్ ఆర్డర్ పెడితే ఓ టెక్స్ట్ బుక్, రెండు ఇటుక ముక్కలు వచ్చాయి. ఈ ఆర్డర్ చూసి వినియోగదారులు కంగుతిన్నారు. ఈ ఘటన బిహార్లోని పట్నాలో జరిగింది.
"మాకు ఇంట్లో ల్యాప్టాప్ అవసరమైంది. అందుకే దిల్లీలో ఉండే మా అబ్బాయి సౌరవ్ సుమన్.. తండ్రి శ్యామ్ సుందర్ ప్రసాద్కు అమెజాన్లో రూ.34,600 విలువ చేసే ల్యాప్టాప్ను ఆర్డర్ చేశాడు. వాళ్లు చెప్పిన తేదీ ప్రకారమే బుధవారం ఆర్డర్ వచ్చింది. కానీ ఆర్డర్ తీసుకున్నాక నాకు ఎందుకో అనుమానం వచ్చింది. ల్యాప్టాప్ ఉండాల్సిన బరువు కండే ప్యాకింగ్ చాలా తేలికగా ఉంది. తీసి చూస్తే అందులో ఓ పుస్తకం, రెండు ఇటుకలు ఉన్నాయి. మా అబ్బాయి సూచన మేరకు అది వీడియో తీయడం ఉపయోగపడింది."
-సునీతా కనోడియా, కస్టమర్
ఈ ఘటనపై బాధితులు కస్టమర్కు కాల్ చేసి ఫిర్యాదు చేయగా.. సమస్యను పరిష్కరిస్తామని హామీ ఇచ్చారు. ఈ విషయంపై స్పందించిన అమెజాన్ మీడియా ప్రతినిధి సుమన్ ప్రసాద్.. తనకు ఈ ఘటనకు గురించి తెలియదని, కానీ దీనిపై తగిన చర్యలు తీసుకుంటానని తెలిపారు. ఈ విషయంపై స్పష్టత వచ్చేందుకు ఈనెల 31వరకు సమయం ఇవ్వాలని బాధితులను అమెజాన్ అడిగినట్లు తెలుస్తోంది.
ఇదీ చూడండి : ఆ సిటీలో ఒకే రోజు ఐదుగురు సూసైడ్.. అసలేం జరిగింది?
