తమిళనాడుకు చెందిన వికాస్ అనే వ్యక్తి ఇటీవలే జొమాటోలో ఫుడ్ ఆర్డర్ ఇచ్చాడు(zomato controversy in hindi). రెండు చికెన్ రైస్ బౌల్స్ కాంబో(చికెన్ రైస్+ పెప్పర్ చికెన్)ను ఆర్డర్ పెట్టాడు. కానీ వికాస్కు చికెన్ రైస్ మాత్రమే వచ్చింది. వెంటనే జొమాటో కస్టమర్ సర్వీస్కు ఫోన్ చేశాడు. కొద్దిసేపటి తర్వాత రెస్టారెంట్ నెంబర్ను వికాస్కు(zomato customer care) ఇచ్చారు. ఆ నెంబర్కు ఫోన్ చేయగా.. ముందు జొమాటోలో ఫిర్యాదు చేసి రీఫండ్ పొందాలని రెస్టారెంట్ సభ్యులు చెప్పారు.
దీంతో వికాస్ తిరిగి జొమాటో కస్టమర్ సర్వీస్కు ఫోన్ చేశాడు. తన డబ్బును రీఫండ్ చేయాలని అడిగాడు. తమకు రెస్టారెంట్ నుంచి ఎలాంటి సమాచారం లేదని బదులిచ్చాడు ఆ కస్టమర్ సర్వీస్ సభ్యుడు. ఆర్డర్ సరిగ్గా ఇచ్చారా? లేదా? అని పదేపదే ప్రశ్నించాడు. ఈలోపు ఐదు సార్లు రెస్టారెంట్కు ఫోన్ చేశాడు. ఫలితం లేకపోవడం వల్ల 'భాష'పరంగా ఇబ్బందులు ఉన్నాయని అందుకే సమస్య పరిష్కారం కావడం లేదని వికాస్కు చెప్పాడు.
దీనితో కోపం తెచ్చుకున్న వికాస్.. 'తమిళనాడులో జొమాటో ఉంటే, తమిళం అర్థమయ్యే వారినే ఉద్యోగంలో పెట్టుకోవాలి. రెస్టారెంట్ వారిని నా డబ్బులు తిరిగివ్వమని చెప్పండి. లేకపోతే మీరే రీఫండ్ చేయండి,' అని అన్నాడు.
దీంతో అవతలి వ్యక్తికీ కోపం వచ్చింది. 'మీకో విషయం చెప్పదలుచుకున్నాను. హిందీ మన జాతీయ భాష. ప్రతి ఒక్కరు కొంతైనా హిందీని నేర్చుకోవాలి,' అని అన్నాడు.
వికాస్కు కోపం మరింత పెరిగింది. ఈ వ్యవహారాన్ని, వారి మధ్య జరిగిన సంభాషణను ట్విట్టర్లో పోస్ట్ చేశాడు.
"జొమాటోలో ఫుడ్ ఆర్డర్ ఇచ్చాను. ఆర్డర్ సరిగ్గా రాలేదు. నాకు హిందీ రాదన్న కారణంతో డబ్బులు రీఫండ్ చేయడం కుదరదని జొమాటో కస్టమర్ సర్వీస్ అంటోంది. భారతీయుడిన అయ్యుండి నాకు హిందీ కచ్చితంగా వచ్చుండాలని చెబుతోంది. అతనికి తమిళ రాకపోవడం వల్ల నేను అబద్ధం చెబుతున్నా అంటున్నాడు. జొమాటో.. కస్టమర్లతో ప్రవర్తించే విధానం ఇది కాదు."
వికాస్, తమిళనాడు.
వికాస్ పోస్ట్ సామాజిక మాధ్యమాల్లో వైరల్గా మారింది. నెటిజన్లు, ముఖ్యంగా తమిళులు తీవ్ర ఆగ్రహం వ్యక్తం చేస్తున్నారు. ఈ సమస్యకు జొమాటో శాశ్వత పరిష్కారాన్ని అందివ్వాలని డిమాండ్ చేస్తున్నారు(zomato controversy in hindi).
ఉద్యోగిని తొలిగించి మళ్లీ..
ఈ వ్యవహారంపై జొమాటో స్పందించింది. వికాస్తో మాట్లాడిన కస్టమర్ కేర్ ఉద్యోగిని విధుల నుంచి తొలగిస్తున్నట్లు ప్రకటించింది. అయితే కొద్ది సేపటికే ఆ ఉద్యోగిని తిరిగి విధుల్లోకి తీసుకుంటున్నట్లు జొమాటో వ్యవస్థాపకుడు దీంపిదర్ గోయల్ తెలిపారు. మనమంతా ఒకరి లోపాల్ని మరొకరు ఎత్తిచూపకూడదని, అన్ని భాషలు, ప్రాంతీయ భావాలను గౌరవించాలని ట్వీట్ చేశారు.
డెలివరిలో లోపాలు, కస్టమర్-డెలివరీ సభ్యుడి మధ్య ఘటనలతో ఈ మధ్య కాలంలో జొమాటో వార్తల్లో నిలుస్తోంది. తాజా ఘటన జొమాటోకు మరింత ప్రతికూలంగా మారే అవకాశముంది.
ఇవీ చూడండి:-
