కేరళలో కరోనా(Kerala Corona Cases) వ్యాప్తి స్థిరంగా కొనసాగుతోంది. ఆ రాష్ట్రంలో కొత్తగా 7,427 మంది వైరస్(Kerala Covid Cases Today) బారినపడ్డారు. అయితే.. కొవిడ్ మరణాల సంఖ్య క్రితం రోజుతో పోలిస్తే భారీగా తగ్గింది. వైరస్ ధాటికి ఆ రాష్ట్రంలో మరో 62 మంది మరణించారు. ఫలితంగా మొత్తం కరోనా బాధితుల సంఖ్య 49,61,490కి చేరగా.. మొత్తం మరణాల సంఖ్య 31,514కు పెరిగింది.
కేరళలో మరో 7,166 మంది వైరస్ను(Kerala Corona Cases) జయించారని ఆ రాష్ట్ర ఆరోగ్య శాఖ మంత్రి వీణా జార్జ్ ఓ ప్రకటనలో తెలిపారు. దీంతో మొత్తం కోలుకున్న వారి సంఖ్య 48,50,742కు చేరుకున్నట్లు చెప్పారు. ప్రస్తుతం ఆ రాష్ట్రంలో 78,624 యాక్టివ్ కేసులు ఉన్నాయి. కొత్తగా 76,709 నమూనాలను పరీక్షించగా.. తిరువనంతపురం జిల్లాలో అత్యధికంగా 1,001 మందికి కొత్తగా వైరస్ సోకినట్లు తేలింది. కోజికోడ్లో 997, ఎర్నాకులంలో 862 మందికి వైరస్ నిర్ధరణ అయింది.
మరోవైపు.. దేశ రాజధాని దిల్లీలో 37 కరోనా కొత్త కేసులు వెలుగు చూశాయి. కొత్తగా ఎవరూ చనిపోలేదు.
వివిధ రాష్ట్రాల్లో కరోనా కేసులు..
- తమిళనాడులో 1,021 మంది మహమ్మారి బారినపడ్డారు. దీంతో ఆ రాష్ట్రంలో మొత్తం కరోనా బాధితుల సంఖ్య 27లక్షలు దాటింది. వైరస్ కారణంగా మరో 14 మంది ప్రాణాలు కోల్పోయారు.
- కర్ణాటకలో 347 కరోనా కొత్త వెలుగు చూశాయి. మరో 10 మంది మృతి చెందారు.
- ఒడిశాలో కొత్తగా 374 మందికి కరోనా సోకగా.. మరో నలుగురు ప్రాణాలు కోల్పోయారు.
ఇవీ చూడండి:
కరోనా మూలాలు ఎప్పటికీ కనుక్కోలేమా?- నిఘా సంస్థల మాటేంటి?
