జనావాసాల్లో తిరిగే పాములను రక్షించడమే లక్ష్యంగా కేరళ ప్రభుత్వ అటవీ శాఖ "సర్ప" అనే మొబైల్ యాప్ను ఆవిష్కరించింది. ఎవరికైనా వారి సమీపంలో పాము కనిపిస్తే ఒక్క ఫొటో తీసి ఈ యాప్లో అప్లోడ్ చేస్తే స్కేక్ రెస్కూ చేసే తమ సిబ్బంది వెంటనే అక్కడికి చేరుకొని వాటిని రక్షించనున్నట్లు తెలిపింది.
చాలా మంది పాములకు భయపడి వాటిని చంపుతున్నారని... ఈ ఘటనలను తగ్గించడమే లక్ష్యంగా ఈ యాప్ రూపొందించినట్లు అధికారులు తెలిపారు. వివిధ రకాల విషపూరిత పాముల ప్రవర్తనను అర్థం చేసుకోవడం, పాముకాటుకు గురైతే తీసుకోవాల్సిన జాగ్రత్తలను గురించి యాప్లో వివరించినట్లు వెల్లడించారు. ప్రాథమిక చికిత్స చేసే విధానం గురించి సైతం సమాచారం ఉందన్నారు.
"అటవీ శాఖ ఆధ్వర్యంలో రాష్ట్రవ్యాప్తంగా చాలా మందికి పాములను సురక్షితంగా పట్టడంలో శిక్షణ ఇచ్చాము. మొబైల్లో ఫోటో తీసి యాప్లో అప్లోడ్ చేస్తే దగ్గరలో ఉన్న స్కేక్ రెస్కూ సిబ్బంది జీపీఎస్ లోకేషన్ను అనుసరించి అక్కడికి చేరుకుంటారు. ఒకవేళ ఎవరైన ఫొటోలు తీసి అప్లోడ్ చేయలేకపోతే స్కేక్ రెస్కూ చేసే వారి ఫోన్ నంబర్లు యాప్లో ఉన్నాయని వాటి ద్యారా వారికి సమాచారం అందించవచ్చు" అని అధికారులు తెలిపారు.
