Juvenile Killed For Smoking: దేశ రాజధానిలో దారుణం జరిగింది. తన ఇంటి ఎదురుగా పొగ తాగినందుకు ఓ యువకున్ని మరో యువకుడు(17) హత్య చేశాడు. అనంతరం మృతదేహాన్ని ఓ బ్యాగ్లో కుక్కి ఇంటికి దూరంగా పడవేశాడు. ఈ ఘటన దిల్లీలోని రోహిణి ప్రాంతంలో జరిగింది.
ఇదీ జరిగింది..
దిల్లీలోని మంగోల్పురి ప్రాంతంలో ఓ బ్యాగ్లో మృతదేహన్ని గుర్తించారు పోలీసులు. దర్యాప్తులో అసలు నిజాలు వెల్లడియ్యాయి. ఘటన జరిగిన కొద్ది గంటలకే నిందితుడిని పట్టుకున్నారు పోలీసులు. అనంతరం నిందితుడు అసలు విషయాన్ని పోలీసులకు చెప్పాడు. 'ఇంటి ఆవరణలో పొగాగు తాగుతున్న యువకున్ని(17) అడ్డగించాడు నిందితుడు. ఈ అంశంపై ఇరువురు వాగ్వాదానికి దిగారు. కోపంలో పొగ తాగుతున్న వ్యక్తి గొంతు కోసి హత్య చేశాడు యువకుడు' అని పోలీసులు వెల్లడించారు. ఆ తర్వాత మృతదేహాన్ని బ్యాగులో కుక్కి దూరంగా పడేసినట్లు పేర్కొన్నారు.
ఇదీ చదవండి: బాలిక తల నరికి ఊరేగింపు- అసలేమైంది?
