జమ్ముకశ్మీర్ షోపియన్ జిల్లా హంజీపోరా వద్ద ఉగ్రవాదులు, భద్రతా దళాల మధ్య శుక్రవారం జరిగిన ఎన్‌కౌంటర్‌లో ఓ ఉగ్రవాది మృతి చెందినట్లు సైన్యం ప్రకటించింది. ఈ ఘటనలో మరో ముష్కరుడు ఏకే-56 తుపాకీతో లొంగిపోయినట్లు వివరించారు. నిర్ధిష్ట సమాచారం మేరకు పోలీసులు, సైన్యం ఈ సంయుక్త ఆపరేషన్ను నిర్వహించాయి.
లష్కరే తోయిబా ఉగ్రవాదులు నక్కిన ప్రదేశానికి భద్రతా దళాలు చేరుకోగానే ముష్కరులు భారీ కాల్పులకు తెగబడ్డారని.. దీంతో ఎన్‌కౌంటర్ ప్రారంభమైనట్లు సైన్యం ప్రకటించింది. ఇతర ముష్కరుల కోసం అన్వేషణ కొనసాగుతున్నట్లు తెలిపింది.
ఇవీ చదవండి:
