గణతంత్ర దినోత్సవం రోజున దిల్లీలో హింసకు సంబంధించిన కేసులో దిల్లీ పోలీసులు మరికొరిని అరెస్టు చేశారు. ఇక్బాల్ సింగ్ అనే నిందితుడిని పంజాబ్లోని హోషియార్పుర్లో దిల్లీ పోలీసుల ప్రత్యేక కార్యదళం మంగళవారం రాత్రి అదుపులోకి తీసుకుంది. విచారణ కోసం అతడ్ని దిల్లీ తరలించింది. ఈ విషయాలను అధికారులు బుధవారం వెల్లడించారు.
రూ.50వేల రివార్డు..
నిందితుడి గురించి సమాచారం ఇస్తే రూ.50వేల రివార్డు అందిస్తామని దిల్లీ పోలీసులు ఇదివరకే ప్రకటించారు. ఈ కేసులో ఆరోపణలు ఎదుర్కొంటున్న మరో నిందితుడు దీప్ సిద్ధూను సోమవారం అరెస్టు చేశారు.
ఇదీ చదవండి : నిరుపేద వృద్ధులకు మధ్యాహ్న భోజనం!
