భారత్లో సైనిక శిక్షణ పొందుతున్న ఆఫ్గానిస్థాన్‌ సైనికులకు(Afghanistan Forces) వారి కోర్సు పూర్తయ్యే వరకు కొనసాగిస్తామని సైన్యం (Indian Army) స్పష్టంచేసింది. ఆ తర్వాత వారి భవిష్యత్‌పై అఫ్గాన్ రాయబార కార్యాలయం నిర్ణయం తీసుకుంటుందని తెలిపింది. భారత్‌లోని వివిధ సైనిక శిక్షణ కేంద్రాల్లో దాదాపు 130 మంది అఫ్గాన్ సైనికులు శిక్షణ పొందుతుండగా వారిలో 80 మంది దేహ్రాదూన్లోని మిలిటరీ అకాడమీలో ఉన్నట్లు సైన్యం పేర్కొంది.
'అఫ్గాన్ సైనికుల శిక్షణను కొనసాగిస్తాం. సంబంధిత కోర్సులను పూర్తి చేయడానికి అనుమతించాలని మేం నిర్ణయించాం. అనంతరం వారిని అఫ్గాన్ రాయబార కార్యాలయానికి అప్పగిస్తాం. వారి తదనంతర భవిష్యత్తుపై అధికారులు నిర్ణయం తీసుకుంటారు.'
-ఆర్మీ అధికారులు
దాదాపు దశాబ్దకాలంగా అఫ్గాన్‌కు చెందిన సైనికులకు భారత్ శిక్షణ ఇస్తోంది. ఇప్పటివరకు వేల సంఖ్యలో అఫ్గాన్ సైనికులు శిక్షణ పూర్తి చేసుకున్నారు. అయితే వీరిని తాలిబన్ సైన్యంలోకి(Afghanistan Taliban) తీసుకునే అవకాశం ఉందని నిపుణులు అంటున్నారు.
ఇదీ చూడండి: విదేశీయుల వీసా గడువు పెంపు.. ఎప్పటివరకంటే?
