ఆర్మీ నియామకాల్లో అవకతవకలు జరిగిన నేపథ్యంలో.. దిద్దుబాటు చర్యలు చేపట్టారు. ఆర్మీ ఇంటెలిజెన్స్‌ ఏజెన్సీలు ముందు జాగ్రత్త చర్యగా నిర్వహించిన ఓ ఆపరేషన్‌లో అవకతవకల విషయం వెలుగులోకి వచ్చింది. ఎంపిక కేంద్రాల్లో మాల్‌ప్రాక్టీస్‌కు పాల్పడుతున్నట్లు తెలిసిన అనంతరం.. దర్యాప్తు చేపట్టింది. అదే సమయంలో ఈ కేసును సీబీఐకి అప్పగించాలని నిర్ణయించింది. 'భారత సైన్యానికి జరిగే ఎంపికల్లో అవకతవకలను ఏమాత్రం సహించేది లేదు' అని ఈ సందర్భంగా సైన్యం ఓ ప్రకటనలో వెల్లడించింది.
గత ఫిబ్రవరిలో దేశవ్యాప్తంగా జరిగిన జనరల్‌ డ్యూటీ పర్సనల్స్‌ ఎంపికలో పేపర్‌ ముందే బయటకు వచ్చినట్లు అధికారులు గుర్తించారు. ముందస్తు సమాచారంతో.. స్థానిక పోలీసులతో కలిసి సైన్యం సంయుక్త ఆపరేషన్‌ చేసి దీనిని భగ్నం చేసింది. ఆ తర్వాత పరీక్షను రద్దు చేశారు. ఈ కేసుకు సంబంధించి అప్పట్లో పుణెలో ముగ్గురు వ్యక్తులను అరెస్టు చేశారు.
ఇదీ చదవండి: జవాన్ హనీట్రాప్- పాక్కు రహస్య సమాచారం!
