భారత్ మరోసారి తన ఉదారత చాటుకుంది. కొవిడ్తో కొట్టిమిట్టాడుతున్న దేశాలకు గతంలో కోట్లాది టీకా డోసులను ఎగుమతి(India vaccine export) చేసిన భారత్.. తాజాగా మరిన్ని డోసులను పొరుగు దేశాలైన మయన్మార్, నేపాల్, బంగ్లాదేశ్ సహా ఇరాన్కు అందించినట్లు సమాచారం. మయన్మార్, నేపాల్, బంగ్లాదేశ్లకు 10 లక్షలు చొప్పున కొవిషీల్డ్ టీకా డోసులు అందించగా.. ఇరాన్కు మూడు లక్షల కొవాగ్జిన్ డోసులను పంపిణీ చేసినట్లు తెలుస్తోంది.
కరోనా రెండో దశ విజృంభణకు ముందు.. వివిధ దేశాలకు కొవిడ్ టీకాలు అందించి(vaccine maitri) అండగా నిలిచింది భారత్. రెండో దశ తీవ్రమైన తరుణంలో ఈ కార్యక్రమాన్ని నిలిపివేసింది. అయితే.. ఇప్పుడు కరోనా పరిస్థితులు కుదుట పడిన నేపథ్యంలో.. ప్రపంచ దేశాలకు మళ్లీ టీకాలు(vaccine maitri) అందించి, సాయపడుతోంది.
భారత్లో అదనంగా ఉన్న కొవిడ్ టీకాలను 'వ్యాక్సిన్ మైత్రి'(vaccine maitri) కార్యక్రమంలో భాగంగా ఈ ఏడాది నాలుగో త్రైమాసికంలో విదేశాలకు ఎగుమతి చేస్తామని గతనెల 20న ఆరోగ్య శాఖ మంత్రి మన్సుఖ్ మాండవీయా తెలిపారు. తద్వారా ప్రపంచ ఆరోగ్య సంస్థ చేపట్టిన కొవాక్స్ కార్యక్రమంలో భారత్ భాగస్వామ్యాన్ని మరింత ముందుకు తీసుకువెళ్తామని చెప్పారు.
ఇదీ చూడండి: డీఆర్‌డీఓ ఛైర్మన్‌ సతీశ్‌రెడ్డికి ఆర్యభట్ట పురస్కారం
