సరిహద్దుల్లో కాల్పుల విరమణ ఒప్పందానికి కట్టుబడి ఉండాలన్న భారత్-పాక్ తాజా నిర్ణయంపై విదేశాంగ మంత్రిత్వ శాఖ కీలక వ్యాఖ్యలు చేసింది. పాకిస్థాన్తో స్వేహపూర్వకంగా ఉండాలని భారత్ ఆశిస్తుందని, శాంతియుతంగా చర్చలు జరిపి అన్ని సమస్యలు పరిష్కరించుకునేందుకు కృషి చేస్తున్నట్లు పేర్కొంది.
"పాక్తో సత్సంబంధాలు పెంచుకునేందుకు భారత్కు ఎలాంటి అభ్యంతరం లేదు. ఇరు దేశాల మధ్య ఉన్న సమస్యలను శాంతియుతంగా, ద్వైపాక్షికంగా చర్చించుకునేందుకు భారత్ కృషి చేస్తుంది."
-అనురాగ్ శ్రీవాస్తవ, విదేశాంగ శాఖ ప్రతినిధి.
ఇరు దేశాల సైన్యాల డైరెక్టర్ జనరళ్ల స్థాయి చర్చల అనంతరం భారత్-పాక్ ఏకాభిప్రాయానికి వచ్చాయి. గురువారం అర్ధరాత్రి నుంచి కాల్పుల విరమణ ఒప్పందాలకు తూచా తప్పకుండా కట్టుబడి ఉండాలని తీర్మానించాయి. ఈ నేపథ్యంలో మంత్రిత్వ శాఖ ప్రతినిధి వ్యాఖ్యలకు ప్రాధాన్యం సంతరించుకుంది.
ఇదీ చదవండి:ముకేశ్ అంబానీ నివాసం సమీపంలో పేలుడు పదార్థాల కలకలం
