స్టాలిన్​ అల్లుడి ఇంట్లో ఐటీ శాఖ సోదాలు

తమిళనాడు అసెంబ్లీ ఎన్నికల వేళ డీఎంకే అధినేత ఎంకే స్టాలిన్ అల్లుడు శబరీశన్​ నివాసంలో ఆదాయ పన్ను శాఖ సోదాలు నిర్వహించింది. శబరీశన్​ ఇంటితో పాటు.. ఆయనకు సంబంధం ఉన్న పలు కార్యాలయాల్లోనూ ఐటీ అధికారులు విస్తృత తనిఖీలు చేపట్టారు.

మరో నాలుగు రోజుల్లో తమిళనాడు ఎన్నికలు జరగనున్న నేపథ్యంలో.. చెన్నై నీలంకరైలోని డీఎంకే అధినేత ఎంకే స్టాలిన్​ అల్లుడు శబరీశన్ ఇంట్లో ఐటీ అధికారులు సోదాలు చేపట్టారు. ఆయన నివాసంతో పాటు పలు కార్యాలయాలు, స్థలాల్లోనూ తనిఖీలు నిర్వహించారు.

ఇటీవల డీఎంకే అధినేత స్టాలిన్​ తిరువణ్నామలైలో ఎన్నికల ప్రచారం నిర్వహించే సమయంలో ఆ నియోజకవర్గ ఎమ్మెల్యే ఈవీ వేలుకు సంబంధించిన ఇళ్లు, కార్యాలయాలపైనా ఐటీ దాడులు జరిగాయి.

ఇదీ చదవండి : డీఎంకే ఎమ్మెల్యే ఇళ్లు, ఆఫీస్​లపై ఐటీ దాడులు