పారాగ్లైడింగ్​లో విషాదం.. తెలంగాణ యువతి మృతి

hyderabad paraglider Dies in sikkim: సిక్కింలో తెలంగాణ​కు చెందిన టూరిస్టు మృతి చెందింది. పారాచూట్ ప్రమాదంలో మరణించినట్లు అధికారులు తెలిపారు. బాధితురాల్ని ఖమ్మంకు చెందిన రామ్​కుమార్ రెడ్డి​ కుమార్తె ఈశా రెడ్డి సంకెపల్లి(23)గా అధికారులు గుర్తించారు.

Hyderabad Paraglider Dies in Sikkim: సిక్కింలో జరిగిన పారాగ్లైడింగ్ ప్రమాదంలో హైదరాబాద్​కు చెందిన యువతి ప్రాణాలు కోల్పోయింది. బాధితురాల్ని ఖమ్మంకు చెందిన రామ్​కుమార్​ రెడ్డి కుమార్తె ఈశా రెడ్డి సంకెపల్లి(23)గా అధికారులు గుర్తించారు. సిక్కిం పర్యాటకానికి వెళ్లిన ఈశా.. శుక్రవారం ఉదయం లాఛుంగ్​ వ్యూ పాయింట్​ నుంచి పారాగ్లైండింగ్​లో పాల్గొంది. ఈ క్రమంలో వేగంగా వచ్చిన గాలులతో పారాచూట్​లు ఒకదానికొకటి ఢీకొన్నాయి. దీంతో బాధితురాలు కింద ఉన్న నదిలో పడిపోయింది. ఈ ప్రమాదంలో సిక్కింకు చెందిన పారాగ్లైడర్ సందీప్ గురుంగ్ (28) కూడా మరణించాడు.

ఘటన జరిగిన వెంటనే సహాయక బృందాలు చర్యలు చేపట్టాయి. నది వేగంగా ప్రవహిస్తున్న కారణంగా రెస్క్యూ ఆపరేషన్​ కూడా కష్టతరమైంది. మృతదేహాలు నది అడుగు భాగంలో బండల కింద చిక్కుకుపోయాయి. ఇండో-టిబెటన్ సరిహద్దు దళాలు ఘటనా స్థలానికి చేరుకుని సహాయక చర్యలు చేపట్టాయి. ఎనిమిది గంటలు తీవ్రంగా శ్రమించి మృతదేహాలను వెలికితీశాయి.

ఇదీ చదవండి: ఒకే కుటుంబానికి చెందిన ముగ్గురి హత్య.. రాళ్లతో ముఖాలు ఛిద్రం..