మీ ఫేస్​ కట్​కు - ఎలాంటి బొట్టు బాగుంటుందో తెలియట్లేదా?

How to Find Perfect Bindi For Your Face Shape : ఇప్పుడు ప్రపంచం మొత్తం ఫ్యాషన్ వెంట పరుగులు తీస్తోంది. ఇంట్లోనుంచి అడుగు బయటపెట్టాలంటే.. చక్కగా ముస్తాబవ్వాల్సిందే! ఈ విషయానికి మహిళలు ఎంత ప్రయారిటీ ఇస్తారో తెలిసిందే. అయితే.. టాప్​ టూ బాటమ్ ట్రెండీగా రెడీ అయినా.. నుదుట ఎలాంటి స్టిక్కర్ పెట్టుకోవాలో చాలా మందికి తెలియదు. మరి.. మీకు తెలుసా..?

How to Find Perfect Bindi For Your Face Shape : నుదుట కుంకుమ పెట్టుకోవడం అనేది పాత పద్ధతి. ఒక వయసు వచ్చిన వారు తప్ప.. ఇప్పుడంతా స్టిక్కర్సే వాడుతున్నారు. దీంతో.. మార్కెట్​లో రకరకాల బిందీలు కుప్పలు తెప్పలుగా ఉంటున్నాయి. ముఖాన్ని మరింతగా వెలిగించడంలో స్టిక్కర్స్​ ఎంతో ఎఫెక్ట్ చూపిస్తాయి. అయితే.. చాలా మంది వారికి నచ్చినవి కొనుగోలు చేస్తున్నారు తప్ప.. సరిపడేవి కొనలేకపోతున్నారు. కంటికి నచ్చిన ప్రతిదీ.. ఒంటికి నప్పదు అనే విషయాన్ని గ్రహించలేకపోతున్నారు. మరి.. మీకు సూటయ్యే స్టిక్కర్​ను ఎలా సెలక్ట్​ చేసుకోవాలో మీకు తెలుసా..? ఆ వివరాలు ఇక్కడ తెలుకోండి.

రౌండ్ ఫేస్ ఉన్నవారు : మీ ముఖం గుండ్రంగా ఉన్నవారికి రౌండ్ షేప్ బిందీలు అంతగా సూట్​ కావు. చక్కగా పొడుగ్గా ఉంటే స్టిక్కర్స్​ని ఎంచుకోండి. దీని వల్ల మీ లుక్ బాగా ఎలివేట్ అవుతుంది. అందంగా కనిపిస్తారు.

డైమండ్ షేప్ ఉన్నవారు : ముఖం ఈ షేప్​లో ఉన్నవారికి నుదురు చిన్నగా ఉంటుంది. గడ్డం, ముఖాకృతి చక్కగా ఉంటుంది. కాబట్టి వీరు మరీ ఎక్కువగా డిజైన్స్ ఉండే స్టిక్కర్స్ కాకుండా సింపుల్​గా ఉండే బిందీలు సెలెక్ట్ చేసుకోవడం మంచిది.

చతురస్రాకారం షేప్ ఉన్నవారు : ఈ ఫేస్ షేప్ ఉన్నవారు కూడా అన్ని డిజైన్స్ స్టిక్కర్స్ కాకుండా హైలైట్​గా ఉండే రౌండ్ స్టిక్కర్స్ సెలక్ట్ చేసుకోవచ్చు. చంద్రుని ఆకారంలో ఉన్న బిందీలు కూడా వీరికి బాగుంటాయి.

ఓవల్ షేప్ ఉన్నవారు : ఓవల్ షేప్ ముఖం ఉన్నవారికి నుదురు, గడ్డం పొడుగ్గా ఉంటాయి. కాబట్టి వీరు గుండ్రంగా ఉండే ఎలాంటి బిందీలనైనా సెలక్ట్ చేసుకోవచ్చు. ఈ టైప్​ స్టిక్కర్స్ వీరి ఫేస్​కి సరిగ్గా సెట్ అవుతాయి.

హార్ట్ షేప్ ఉన్నవారు : ఈ షేప్ ఫేస్ ఉన్న వారికి నుదురు, గడ్డం చదునుగా ఉంటుంది. వీరు గుండ్రంగా ఉన్నవాటితోపాటు కొంచెం పొడుగ్గా ఉన్న స్టిక్కర్స్ పెట్టుకుంటే ఆకర్షణీయంగా కనిపిస్తారు.

ఇలా ట్రై చేయండి..

• మ్యాచింగ్ బిందీ పెట్టుకోవడం అనేది ఇంతకు ముందు ఫ్యాషన్. అయితే ఇప్పుడు కాంట్రాస్ట్ కూడా పెట్టుకోవచ్చు. అంటే మీరు వేసుకునే డ్రెస్‌లో ఏదైనా చిన్న మ్యాచింగ్ ఉన్న కలర్ స్టిక్కర్ పెట్టుకోవడం ద్వారా.. మీ బిందీ డ్రెస్ కలర్​తో ఎలివేట్ అవుతుంది.
• మీరు ఎప్పుడూ ఒకేలా కాకుండా.. కొత్త స్టిక్కర్స్ ట్రై చేస్తూ ఉండండి. దీనివల్ల.. ఎలాంటివి మీకు సూట్ అవుతాయనే విషయం మీకే అర్థమవుతుంది.
• స్టిక్కర్స్ క్వాలిటీ ఉన్నవి తీసుకోకపోతే.. త్వరగా ఊడిపోతూ ఉంటాయి. అలా జరగకుండా ఉండాలంటే.. స్టిక్కర్ అంటించే ప్రాంతంలో కాస్త పౌడర్ రాయండి. దీనివల్ల తొందరగా ఊడిపోకుండా ఉంటాయి.
• ఈసారి నుంచి ఈ పద్ధతులు పాటించండి.. తప్పకుండా మీరు కొత్తగా ఫీలవుతారు.