Honour Killing: తమిళనాడులోని మధురైలో దారుణం జరిగింది. కూతురి ప్రేమ పెళ్లిని నిరాకరించిన ఓ తండ్రి.. తన అల్లుడి తండ్రిని హతమార్చాడు.
ఇదీ జరిగింది..
తిడిర్నగర్కు చెందిన శివప్రసాద్ అనే వ్యక్తి అదే ప్రాంతానికి చెందిన ఓ అమ్మాయితో రిలేషన్షిప్లో ఉన్నాడు. వారిద్దరూ వేర్వేరు వర్గాలకు చెందినవారు కావడం వల్ల అమ్మాయి తండ్రి వారి పెళ్లికి నిరాకరించాడు. అయినప్పటికీ ఆ జంట మార్చి 4న వివావబంధంలోకి అడుగుపెట్టింది.
ఈ సంఘటనతో వధువు తండ్రి సదైయాండీ కోపోద్రిక్తుడయ్యాడు. మధురై పెరియార్ బస్స్టాండ్లో వరుడు శివప్రసాద్ తండ్రి రామచంద్రన్ను కిరాతకంగా హతమార్చాడు.
ఈ ఘటన గురించిన సమాచారం అందుకున్న పోలీసులు.. మృతదేహాన్ని పంచనామా నిమిత్తం తరలించారు. నిందితుడిని అరెస్టు చేసి దర్యాప్తును ముమ్మరం చేశారు.
ఇదీ చదవండి: బావిలో తల్లి, ముగ్గురు చిన్నారుల మృతదేహాలు.. ఏం జరిగింది?
