OG Movie Special Song : పవర్ స్టార్ పవన్ కల్యాణ్- సుజీత్ కాంబోలో తెరకెక్కుతున్న 'ఓజీ' సినిమాపై అభిమానుల్లో భారీ అంచనాలు నెలకొన్నాయి. ప్రస్తుతం ఈ సినిమా షూటింగ్ బ్యాంకాక్లో జరుగుతోంది. అయితే ఈ సినిమా గురించి ఏ చిన్న వార్త వచ్చినా నిమిషాల్లోనే అది వైరల్ అవుతోంది. ఈ క్రమంలోనే తాజాగా మరో వార్త బయటకు వచ్చింది. డైరెక్టర్ సుజీత్ ఈ సినిమాలో ఓ స్పెషల్ సాంగ్ ప్లాన్ చేశారట.
ఈ స్పెషల్ సాంగ్లో ఆడిపాడేందుకు యంగ్ బ్యూటీని సంప్రదించారట. ఆమె ఎవరో కాదు డీజే టిల్లు ఫేమ్ రాధిక (నేహాశెట్టి). పవన్ కల్యాణ్ సినిమాలో ఛాన్స్ రాగానే నేహా శెట్టి కూడా ఒప్పేసుకుందట. ప్రస్తుతం బ్యాంకాక్లోనే ఈ పాట షూటింగ్ కూడా ప్రారంభమైందని తెలుస్తోంది. మరి హీరో పవన్ కల్యాణ్ భారత్లోనే ఉన్నారు. దీంతో స్పెషల్ సాంగ్లో ఆయన ఉంటారా? లేదా నేహా శెట్టితోనే స్టెప్పులేయిస్తారా అనేది క్లారిటీ రావాల్సి ఉంది. ఏది ఏమైనా ఇప్పటివరకు లిమిటెడ్ బడ్జెట్ సినిమాల్లో నటించిన నేహా శెట్టికి, పవన్ సినిమాలో అవకాశం రావడం కెరీర్లో మంచి టర్న్ అనే చెప్పాలి!
అప్డేట్ అప్పుడే!
ఈ సినిమా నుంచి ఒక్క టీజర్ మినహా ఇప్పటివరకూ ఎలాంటి అప్డేట్స్ రాలేవు. ఈ క్రమంలో ఫ్యాన్స్కు తొలి పాట వినిపించేందుకు మేకర్స్ ప్లాన్స్ చేస్తున్నట్లు తెలిసింది. కొత్త ఏడాది సందర్భంగా జనవరి 1న ఈ సాంగ్ను విడుదల చేస్తారని సమాచారం. అది ఈ స్పెషల్ సాంగే అయిఉండవచ్చని ఫ్యాన్స్ భావిస్తున్నారు. కానీ, దీనిపై క్లారిటీ రావాల్సి ఉంది.
కాగా, ఈ సినిమా గ్యాంగ్‌స్టర్‌ యాక్షన్ నేపథ్యంలో తెరకెక్కుతోంది. ఇందులో పవన్ కల్యాణ్ 'ఓజాస్‌ గంభీర' అనే పవర్ ఫుల్ పాత్రలో కనిపించనున్నారు. ఆయన్ని ఢీకొట్టే ప్రతినాయకుడిగానే బాలీవుడ్ స్టార్ ఇమ్రాన్‌ నటిస్తున్నారు. బ్యూటీ ప్రియాంకా మోహన్‌ హీరోయిన్గా నటిస్తుండగా, శ్రియా రెడ్డి కీలక పాత్ర పోషిస్తోంది. డీవీవీ ఎంటర్‌టైన్‌మెంట్‌ పతాకంపై డీవీవీ దానయ్య దీనిని నిర్మిస్తున్నారు. 2025 ఏడాది వేసవికి ప్రేక్షకుల ముందుకొచ్చే అవకాశముంది.
OG అప్డేట్: ఇప్పటికైతే 'సీజ్ ది షిప్'- PK ఫ్యాన్కు మేకర్స్ ఫన్నీ రిప్లై
'బ్లాస్ట్ ది హెలికాప్టర్!' - పవన్ కల్యాణ్ OG లేటెస్ట్ అప్డేట్ ఇదే!
