Hizb Commander Killed: జమ్ముకశ్మీర్ అనంత్నాగ్లో జరిగిన ఎన్కౌంటర్లో హిజ్బుల్ ముజాహిదీన్ కమాండర్ హతమయ్యాడు. మరో ముగ్గురు భారత జవాన్లు, ఓ పౌరుడికి గాయాలైనట్లు పోలీసులు తెలిపారు. ఉగ్రముఠా హిజ్బుల్ ముజాహిదీన్ స్వీయ ప్రకటిత(సెల్ఫ్ స్టైల్డ్) కమాండర్ నిసార్ ఖాండేను మట్టుబెట్టినట్లు తెలిపారు కశ్మీర్ ఐజీపీ విజయ్ కుమార్. ఏకే 47 రైఫిల్ సహా ఇతర ఆయుధాలు, మందుగుండు సామగ్రి స్వాధీనం చేసుకున్నట్లు వివరించారు. ఆపరేషన్ కొనసాగుతున్నట్లు పేర్కొన్నారు.
శుక్రవారం సాయంత్రం అనంత్నాగ్లోని రిషిపొరా ప్రాంతంలో ఎదురుకాల్పులు ప్రారంభమైనట్లు పోలీసులు వెల్లడించారు. గాయపడ్డ జవాన్లు, పౌరులను హుటాహుటిన శ్రీనగర్లోని 92 బేస్ హాస్పిటల్కు తరలించినట్లు స్పష్టం చేశారు. ప్రస్తుతం వారి పరిస్థితి నిలకడగా ఉందని తెలిపారు.
ఇవీ చూడండి: ఆమె కడుపులో రూ.3కోట్లు విలువైన డ్రగ్స్.. వారం కష్టపడితే...
యూట్యూబ్ చూసి పసికందును చంపిన మైనర్ తండ్రి.. కోడి రక్తంతో..
