ముంబయిలోని రిలయన్స్ ఇండస్ట్రీస్ ఛైర్మన్ ముకేశ్ అంబానీ ఇంటి వద్ద (Ambani house Mumbai) పోలీసులు భారీగా మోహరించారు. ఇద్దరు అనుమానాస్పద వ్యక్తులు అంబానీ ఇంటి అడ్రస్ అడిగారని ఓ ట్యాక్సీ డ్రైవర్ ఇచ్చిన సమాచారం మేరకు.. పోలీసులు జాగ్రత్తలు తీసుకుంటున్నారు. వీరిద్దరు ఓ బ్యాగ్ను వెంటబెట్టుకుని ఉన్నారని డ్రైవర్ తెలిపాడని ముంబయి పోలీసులు చెప్పారు.
ఈ నేపథ్యంలో అంటిలియా వద్ద భారీ భద్రత ఏర్పాటు చేశారు పోలీసులు. సీసీటీవీ ఫుటేజీలను తనిఖీ చేస్తున్నారు. ట్యాక్సీ డ్రైవర్ స్టేట్మెంట్ను రికార్డు చేశారు. ఎలాంటి అవాంఛనీయ ఘటనలు జరగకుండా జాగ్రత్త పడుతున్నారు.
ఇదీ చదవండి: 'సూపర్‌ కాప్‌' అవ్వాలని.. అంబానీ నుంచి డబ్బు లాగాలని..
