Helicopter Emergency Landing: తమిళనాడులోని ఈరోడ్ జిల్లా అతియూర్ గ్రామంలో శనివారం అకస్మాత్తుగా ఓ ప్రైవేట్ హెలికాప్టర్ ల్యాండ్ అయ్యి స్థానికులను ఆశ్చర్యపరిచింది. పొలంలో హెలికాప్టర్ ల్యాండ్ అవడం చూసి గ్రామస్థులు అక్కడికి భారీగా తరలివచ్చారు. దీంతో కాసేపటికి పోలీసులు కూడా ఘటనాస్థలానికి చేరుకున్నారు.
అసలేం జరిగిందంటే..
బెంగళూరుకు చెందిన భరత్ (65) , షీలా (60) అనారోగ్యం కారణంగా కేరళలోని కొచ్చిలో చికిత్స పొందాలని భావించారు. అక్కడికి వెళ్లేందుకు ఓ హెలికాప్టర్ను అద్దెకు తీసుకున్నారు. హెలికాప్టర్లో కొంత దూరం ప్రయాణించాక ప్రతికూల వాతావరణం ఏర్పడటం వల్ల పైలట్కు సిగ్నల్స్ అందడం ఆగిపోయాయి. దీంతో అత్యవసర ల్యాండింగ్ చేయాల్సి వచ్చింది. మళ్లీ కాసేపటికి వాతావరణం అనుకూలించగా హెలికాప్టర్ గమ్యస్థానానికి బయలుదేరింది.
ఇదీ చూడండి : బాలికపై ఆలయ పూజారి అత్యాచారం- జాతకం కోసం వెళ్తే..!
