"మీ సేవ" సెంటర్​ పనులు మీ ఫోన్​ నుంచే చేసుకోవచ్చు! - లాగిన్​ ఐడీ ఇలా పొందండి

- కేంద్రానికి వెళ్లకుండా పలు సేవలు పొందే ఛాన్స్​ - సిటిజన్ లాగిన్​ తో పౌరులకు ఎంతో ఉపయోగం

How to Apply for Mee Seva Login ID : విద్యార్థులు, పౌరులు, రైతులు ఎవరైనా సరే.. ఏదైనా సర్టిఫికెట్​ కావాలంటే దగ్గరలోని "మీ సేవ" కేంద్రాలకు వెళ్లి దరఖాస్తు చేసుకోవాల్సిందే. అయితే.. అంత దూరం వెళ్లాల్సిన పని లేకుండా.. కేవలం ఇంట్లో ఉండే మొబైల్​​ లేదా కంప్యూటర్​ ద్వారా సులభంగా పలు దరఖాస్తులు చేసుకోవచ్చు. మరి, అది ఎలా సాధ్యమవుతుంది? ఎలాంటి సేవలు పొందవచ్చు? అనే వివరాలు ఈ స్టోరీలో తెలుసుకుందాం..

సిటిజన్​ లాగిన్​ ఐడీ : గతంలో మీ సేవ ఆపరేటర్లకు మాత్రమే లాగిన్​ ఐడీలు ఉండేవి. అంటే.. ఆ సెంటర్ల నిర్వాహకులు మాత్రమే ఆ సేవలు అందించే అవకాశం ఉండేది. కానీ ఇప్పుడు ఆ అవసరం లేదు. "మీ సేవ" ద్వారా కావాల్సిన పనులు చేసుకునేందుకు అందరికీ అవకాశం కల్పించారు. అదే.. "సిటిజన్ లాగిన్". ఈ లాగిన్​ ఐడీ ద్వారా చాలా వరకు పనులు ఇంట్లో నుంచే చేసుకోవచ్చు. ఆ ఐడీ ఎలా పొందాలో ఇప్పుడు చూద్దాం.

• ముందుగా తెలంగాణ మీ సేవ అధికారక వెబ్​సైట్​ను ఓపెన్​ చేయాలి. https://meeseva.telangana.gov.in/meeseva/home.htm
• హోమ్​ పేజీలో కుడివైపున కనిపించే Login కాలమ్​లో New User ఆప్షన్​పై క్లిక్​ చేయాలి.
• అప్పుడు మీకు స్క్రీన్​ మీద రిజిస్ట్రేషన్​ ఫారమ్​ కనిపిస్తుంది. అందులో మొబైల్​ నెంబర్​, పాస్​వర్డ్​, పేరు, ఈమెయిల్​, అడ్రస్​ సహా తదితర వివరాలు ఎంటర్​ చేసి Submit ఆప్షన్​పై క్లిక్​ చేయాలి.
• అప్పుడు మీ రిజిస్టర్డ్​ మొబైల్​ నెంబర్​కు ఓటీపీ వస్తుంది. దానిని ఎంటర్​ చేసి Submit చేస్తే మీ రిజిస్ట్రేషన్​ పూర్తవుతుంది. మీ లాగిన్​ వివరాలు సేవ్​ చేసుకోవాలి.
• ఇప్పుడు ఈ లాగిన్​ ఐడీ ఉపయోగించి మీకు కావాల్సిన సేవలు పొందాలి.

ఎలా లాగిన్​ కావాలంటే:

• ముందుగా తెలంగాణ మీ సేవ అధికారక వెబ్​సైట్​ను ఓపెన్​ చేయాలి. https://meeseva.telangana.gov.in/meeseva/home.htm
• హోమ్​ పేజీలో కుడివైపున కనిపించే Login కాలమ్​లో రిజిస్ట్రేషన్​ సమయంలో మీరు ఎంటర్​ చేసిన మొబైల్​ నెంబర్​, క్రియేట్​ చేసుకున్న పాస్​వర్డ్​ ఎంటర్​ చేసి Login ఆప్షన్​పై క్లిక్​ చేయాలి.
• మీ రిజిస్టర్డ్​ మొబైల్​ నెంబర్​కు ఓటీపీ వస్తుంది.
• దానిని ఎంటర్​ చేసి సబ్మిట్​ చేస్తే స్క్రీన్​ మీద పలు రకాల సేవలు కనిపిస్తాయి.
• అందులో మీకు కావాల్సిన సేవలు మీద క్లిక్​ చేసి అప్లై చేసుకోవచ్చు.

లాగిన్​ ఐడీ పొందిన తర్వాత లభించే సేవలు:

• TSRTA
• రెవెన్యూ
• జీహెచ్​ఎంసీ
• సీడీఎంఏ
• టీజీఎస్పీడీసీఎల్​
• గ్రామీణాభివృద్ధికి సంబంధించిన సేవలు
• పోలీసు శాఖకు సంబంధించిన సేవలు
• విద్యకు సంబంధించిన సేవలు సహా పలు ఇతర సేవలు కూడా లభిస్తాయి.