నైరతి రుతుపవనాలు తిరోగమనం దిశగా పయనిస్తున్న క్రమంలో రానున్న 6-7 రోజుల్లో దేశంలోని అనేక ప్రాంతాల్లో భారీ వర్షపాతం నమోదయ్యే అవకాశం ఉందని భారత వాతావరణ శాఖ(ఐఎండీ) అంచనా వేసింది.
అతి భారీ వర్షాలు..
ఉత్తర భారత్లో భారీ నుంచి అతి భారీ వర్షాలు నమోదవుతాయని ఐఎండీ పేర్కొంది. పశ్చిమ హిమాలయాలు, ఉత్తర్ ప్రదేశ్లో జులై 17 నుంచి 20 వరకు అతి భారీ వర్షాలు పడొచ్చని తెలిపింది. జులై 18 నుంచి 20 వరకు పంజాబ్, హరియాణా, తూర్పు రాజస్థాన్, ఉత్తర మధ్యప్రదేశ్లో అతి భారీ వర్షాలు నమోదయ్యే అవకాశం ఉందని పేర్కొంది.
"వచ్చే 24 గంటల్లో గుజరాత్, మధ్యప్రదేశ్, దక్షిణ రాజస్థాన్లో ఉరుములు, మెరుపులతో కూడిన భారీ వర్షాలు నమోదయ్యే అవకాశం ఉంది. కొంకణ్, గోవా, మహారాష్ట్ర, కర్ణాటక, కేరళ, మాహేలోని కనుమ ప్రాంతాల్లోనూ భారీ నుంచి అతి భారీ వర్షాలు పడొచ్చు."
-- భారత వాతావరణ శాఖ(ఐఎండీ)
పశ్చిమ్ బంగాల్, సిక్కింలో జులై 19 వరకు భారీ వర్షాలు నమోదవుతాయని పేర్కొంది.
ఇదీ చదవండి : 'ఆ జిల్లాల్లో తీవ్ర స్థాయిలో కరోనా వ్యాప్తి'
