దిల్లీ సరిహద్దులో రైతులు తమ ఆందోళనలను ఉద్ధృతం చేశారు. గాజీపుర్ సరిహద్దు(దిల్లీ-గాజియాబాద్ రహదారి)ను పూర్తిగా దిగ్బంధించారు. రహదారుల రెండువైపులా ట్రాక్టర్లను అడ్డుపెట్టారు. రోడ్లకు అడ్డంగా రైతులు బైఠాయించారు. రాకపోకలను అడ్డుకోవడం వల్ల దిల్లీ నుంచి గాజీపుర్, గాజియాబాద్కు వెళ్లే మార్గంలో ట్రాఫిక్కు అంతరాయం ఏర్పడింది.
ఈ నేపథ్యంలో వాహనాలను వేరే రహదారులకు మళ్లిస్తున్నట్లు దిల్లీ ఔటర్ రేంజ్ ట్రాఫిక్ పోలీస్ అడిషనల్ సీపీ అప్సరా బోప్రా తెలిపారు. నిజాముదీన్ ఖట్టా, అక్షర్దామ్, గాజిపుర్ చౌక్ నుంచి ట్రాఫిక్ను మళ్లించినట్లు చెప్పారు.
గాజీపుర్ సరిహద్దును దిగ్భందించిన రైతులు
ఇదీ చదవండి: చలిని లెక్కచేయకుండా.. సాగుతున్న రైతన్న పోరాటం
