దేశంలోని వివిధ రాష్ట్రాల్లో కరోనా ఆంక్షలివే..

దేశంలో కరోనా రెండో దశ విజృంభణ కొనసాగుతోంది. ఈ నేపథ్యంలో వైరస్​ వ్యాప్తి కట్టడికి వివిధ రాష్ట్రాలు కఠిన చర్యలు చేపడుతున్నాయి. హరియాణా, ఒడిశా, తెలంగాణ, సిక్కింలో లాక్​డౌన్​ను పొడిగించారు. కేసుల సంఖ్య తగ్గిన జిల్లాలో ఉత్తర్​ప్రదేశ్​, జమ్మూకశ్మీర్​లు నిబంధనలను సడలించాయి. ఇంకా ఏయే రాష్ట్రాల్లో ఎలాంటి ఆంక్షలు అమల్లో ఉన్నాయంటే..

కరోనా మహమ్మారిని కట్టడి చేసేందుకు వివిధ రాష్ట్రాలు కఠిన చర్యలు చేపడుతున్నాయి. లాక్‌డౌన్‌లు, కర్ఫ్యూలతో పాటు అనేక ఆంక్షలు విధించాయి. మరోవైపు కేసుల సంఖ్య తగ్గిన రాష్ట్రాలు నిబంధనలను సడలిస్తున్నాయి.

లాక్‌డౌన్‌లు ఎక్కడెక్కడ?

• సిక్కింలో జూన్ 7 వరకు లాక్​డౌన్​ పొడిగించారు. దుకాణాలు, వ్యవసాయం వంటి పనులకు సడలింపునిచ్చారు.
• రాజస్థాన్​లో జూన్​ 8 వరకు లాక్​డౌన్​ పొడిగించారు.
• ఒడిశాలో మరో 16 రోజులు లాక్‌డౌన్‌ (జూన్​ 17 వరకు) అమల్లో ఉంటుంది. ఇప్పటివరకు ఉన్న నిబంధనలే ఉంటాయని రాష్ట్ర ప్రభుత్వం తెలిపింది.
• కేరళలో కొన్ని నిబంధనల సడలింపుతో లాక్​డౌన్​ను జూన్​ 9 వరకు పొడిగించారు.
• తమిళనాడు, కర్ణాటక, పుదుచ్చేరిలో లాక్​డౌన్​ను జూన్​ 7 వరకు పొడిగించారు.
• తెలంగాణలో లాక్​డౌన్​ను మరో 10 రోజులు (జూన్​ 9 వరకు) పొడిగించారు. ఉదయం 10 గంటల నుంచి మధ్యాహ్నం 1 గంటల వరకు నిబంధనలను సడలించారు.
• హరియాణాలో జూన్​ 17 వరకు పొడిగించారు. ఇప్పటివరకు ఉన్న నిబంధనలను సడలించారు.
• నాగాలాండ్​లో జూన్​ 11 వరకు లాక్​డౌన్​ను పొడిగించారు.
• మిజోరంలో ప్రధాన నగరాలు, జిల్లా కేంద్రాల్లో కొనసాగుతున్న లాక్​డౌన్​ను జూన్​ 6 వరకు పొడిగించారు.
• ఛత్తీస్​గడ్​లో లాక్​డౌన్​ మే 31 తో ముగియనుంది.
• బిహార్‌లో జూన్​ 1 వరకు లాక్​డౌన్​ కొనసాగుతుంది.
• ఝార్ఖండ్​లో జూన్​ 3 వరకు లాక్​డౌన్​ విధించారు.

ఇదీ చదవండి: 22 ఏళ్లలో 16 వేల శవాలకు అంత్యక్రియలు

వారాంతాల్లో..

• జమ్ముకశ్మీర్​లో కొవిడ్​ అన్​లాక్​ ప్రక్రియ మొదలైంది. కానీ రాత్రి కర్ఫ్యూ, వారాంతపు లాక్​డౌన్​లు కొనసాగుతున్నాయి.
• చండీగడ్​లో వారాంతపు లాక్‌డౌన్​లతో పాటు రాత్రి కర్ఫ్యూ కొనసాగుతోంది.
• మధ్యప్రదేశ్​లో జూన్​ 1 నుంచి కరోనా నిబంధనలను దశలవారిగా సడలించనున్నారు. వారాంతపు లాక్​డౌన్​ను మే 31 తర్వాత కూడా యథావిధిగా కొనసాగించనున్నారు.
• హిమాచల్​ ప్రదేశ్​లో కేసులు అధికంగా ఉన్న ప్రాంతాల్లో నిబంధనలను జూన్ 7 వరకు పొడిగించారు. కొన్ని నిబంధనలను సడలించారు.

ఇదీ చదవండి: కరోనాను జయించారా? ఈ టెస్టులు చేయిస్తే బెటర్!

లాక్‌డౌన్‌ తరహా..

• బంగాల్​లో కరోనా నిబంధనలను జూన్​ 15 వరకు పొడిగించారు.
• ఉత్తర్​ప్రదేశ్​లో 20 జిల్లాల్లో లాక్​డౌన్​ను కొసాగిస్తున్నారు. రాత్రి కర్ఫ్యూ, వారాంతపు లాక్​డౌన్​లు యాథావిధిగా ఉన్నాయి. జూన్​ 1 నుంచి నిబంధనల సడలింపు ప్రక్రియ ప్రారంభం కానుంది.
• పంజాబ్​లో జూన్​ 10 వరకు కరోనా నిబంధనలు కొనసాగననున్నాయి.
• మహారాష్ట్రాలో నిబంధనలను జూన్​ 15 వరకు పొడిగించారు. కొన్ని నిబంధనలను సడలించారు.
• దిల్లీలో అన్​లాక్​ ప్రక్రియ జూన్​1 నుంచి ప్రారంభం కానుంది. కానీ కేసులు ఎక్కువగా ఉన్న ప్రాంతాల్లో లాక్​డౌన్​ కొనసాగనుంది.

ఇదీ చదవండి: విమానాలతో శానిటైజేషన్- గాలిలో కరోనాకు చెక్​!

కర్ఫ్యూలు..

• గుజరాత్‌లో రాత్రివేళ కర్ఫ్యూ అమల్లో ఉండగా పగటిపూట ఆంక్షలు 36 నగరాల్లో జూన్​ 4 వరకు అమలు చేస్తున్నారు.
• గోవాలో ప్రస్తుతం కొనసాగుతున్న కర్ఫ్యూను జూన్​ 7వరకు పొడిగించారు.
• మణిపుర్‌లోని 7 జిల్లాల్లో జూన్​ 11 వరకు కర్ఫ్యూ అమల్లో ఉంటుంది.
• త్రిపురలో ప్రధాన నగరాలు, మున్సిపల్​ ప్రాంతాల్లో జూన్​ 5 వరకు కర్ఫ్యూ పొడిగించారు.
• ఉత్తరాఖండ్‌లో రాత్రి కర్ఫ్యూ జూన్​ 1 వరకు కొనసాగనుంది.

ఇదీ చదవండి: తమిళనాడులో దిగొస్తున్న కొవిడ్​ కేసులు