కరోనా వైరస్ రెండో దశ వ్యాప్తి నేపథ్యంలో మ్యూకోర్మైకొసిస్, బ్లాక్ ఫంగస్, మల్టీ సిస్టమ్ ఇన్ఫ్లమేటరీ సిండ్రోమ్(ఎమ్ఐఎస్) కేసులు వెలుగుచూశాయి. అయితే.. గుజరాత్ రాజ్కోట్లో కొత్తగా 70కిపైగా కార్డియోమెగాలి(గుండె పరిమాణం పెరగడం) కేసులు నమోదైనట్లు అధికారులు వెల్లడించారు. కొవిడ్ నుంచి కోలుకున్నవారిలో ఈ లక్షణాలు కనిపించినట్లు స్పష్టం చేశారు.
కార్డియోమెగాలి బాధితుల్లో.. 15 నుంచి 25 శాతం మంది కొరొనరీ హర్ట్ డిసీజ్ వల్లే మరణించారని అధికారులు తెలిపారు.
"కరోనా ఊపిరితిత్తులపై మాత్రమే ప్రభావం చూపదు. కొవిడ్ రోగుల్లో.. రక్తం గడ్డకట్టడం మొదలైన సమస్యలూ తలెత్తాయి. చాలా మంది కరోనా రోగులు కార్డియోమెగాలితో బాధపడుతున్నారు."
--డాక్టర్. సందీప్ హర్సోరా, ఐసీయూ స్పెషలిస్ట్.
పెరిగిన గుండెపోటు మరణాలు..
కొవిడ్ నుంచి కోలుకున్న 30-45 ఏళ్ల మధ్య వయసువారిలో గుండెపోటు మరణాలు కూడా పెరిగాయి. అయితే.. వీరిలో గుండెపోటు లక్షణాలతో బాధపడ్డవారు తక్కువేనని అధికారులు తెలిపారు.
రక్తకణాలపై కొవిడ్ తీవ్ర ప్రభావం చూపిన నేపథ్యంలో.. కొరొనరీ హర్ట్ అటాక్ వంటి సమస్యలు తలెత్తుతాయి.
ఇదీ చదవండి:కరోనాతో చావుబతుకుల్లో భర్త- వీర్యం కోసం భార్య పిటిషన్
