వారంలోనే కరోనా నుంచి కోలుకున్న గుజరాత్​ సీఎం

గుజరాత్​ ముఖ్యమంత్రి విజయ్​ రూపానీకి కరోనా నెగెటివ్​గా తేలింది. ప్రస్తుతం ఆయన ఆరోగ్యం నిలకడగా ఉన్నట్లు వైద్యులు వెల్లడించారు.

గుజరాత్​ ముఖ్యమంత్రి విజయ్​ రూపానీ.. కరోనా నుంచి కోలుకున్నారు. ఇటీవల వైరస్​ బారిన పడిన రూపానీ.. కొవిడ్​ పరీక్ష చేయించుకోగా నెగెటివ్​గా​ తేలినట్లు అధికారులు వెల్లడించారు. ప్రస్తుతం ఆయన ఆరోగ్యం నిలకడగా ఉన్నట్లు వైద్యులు తెలిపారు.

ఈ నెల 15న ఎన్నికల ప్రచారంలో భాగంగా వడోదరలో వేదికపై ప్రసంగిస్తూ కుప్పకూలిపోయారు. చికిత్స నిమిత్తం అహ్మదాబాద్​లోని యూ.ఎన్​ మెహతా ఆసుపత్రిలో చేరారు. అనంతరం.. కరోనా పాజిటివ్​గా నిర్ధరణ అయింది. వారం వ్యవధిలోనే ఆయన కోలుకోవడం విశేషం.

ఇదీ చూడండి: గుజరాత్​ సీఎంకు కరోనా పాజిటివ్​