కొవిషీల్డ్ టీకా రెండు డోసుల మధ్య ఉన్న వ్యవధిని 12-16 వారాలకు పెంచాలని నేషనల్ టెక్నికల్ అడ్వైజరీ గ్రూప్ ఆఫ్ ఇమ్యూనైజేషన్ (ఎన్టీఏజీఐ) కేంద్రానికి సూచించినట్లు సమాచారం. ప్రస్తుతం కొవిషీల్డ్ రెండు డోసుల మధ్య ఉన్న వ్యవధి.. నాలుగు నుంచి ఎనిమిది వారాలు. కొవిషీల్డ్పై సూచనలు చేసిన ఎన్టీఏజీఐ.. కొవాగ్జిన్ టీకాల వ్యవధిపై మాత్రం ఎలాంటి సలహాలు ఇవ్వలేదు.
గర్భిణీలకు తమకు నచ్చిన వ్యాక్సిన్ ఎంచుకునేలా అవకాశం కల్పించాలని నిపుణుల బృందం పేర్కొంది. బాలింతలకు ఎప్పుడైనా టీకా అందించేలా చర్యలు చేపట్టాలని సూచించింది.
ఆరు నెలల తర్వాతే..
కరోనా బారిన పడిన వారు.. కోలుకున్న ఆరు నెలల తర్వాత టీకా తీసుకోవాలని కేంద్రానికి ఎన్టీఏజీఐ సూచనలు చేసింది.
ఎన్టీఏజీఐ చేసిన సూచనలను కొవిడ్పై ఏర్పాటు చేసిన నేషనల్ ఎక్స్పర్ట్ గ్రూప్ ఆన్ వ్యాక్సిన్ అడ్మినిస్ట్రేషన్ పరిశీలించనుంది.
ఇదీ చదవండి : వేడి నీళ్ల స్నానంతో.. కరోనా రాదా?
