ఆయనో సాధారణ వ్యక్తి. నిరంతరం ఇద్దరు బాడీగార్డులు కాపలా. ఆ జిల్లాలో ఆయనను 'గోల్డెన్ బాబా' అని పిలుస్తారు. ఇటీవల ఆ బాబా రూ.5 లక్షలు ఖర్చు చేసి.. ఓ బంగారు మాస్క్ తయారు చేయించారు. ఆ మాస్కుకు స్వయంగా శానిటైజర్ చేసుకునే సౌలభ్యం కూడా ఉంది. దీనిని మూడేళ్ల పాటు వాడుకోవచ్చట. దీంతో మళ్లీ వార్తల్లోకెక్కారు.
ఆయనే ఉత్తర్ప్రదేశ్ కాన్పుర్ జిల్లాకు చెందిన మనోజ్ సెంగల్. మనోజ్కు బంగారం అంటే మక్కువ అందుకే ఆయన.. ఎప్పుడూ 250 గ్రాముల బరువైన నాలుగు చైన్లు ధరిస్తారు. శంకం, చేప, హనుమాన్ లాకెట్ మెడలో నిరంతరం ఉండాల్సిందే. తాజాగా మాస్క్ కూడా వాటికి తోడైంది. దీనికి 'శివ శరణ్ మాస్క్' అనే పేరు పెట్టారు మనోజ్. దీంతో కలిపి రెండు కేజీల బంగారం ఉన్నట్లు ఆయన తెలిపారు.
చెవి పోగులు, మూడు బంగారు బెల్ట్లు, తుపాకీకి గోల్డెన్ కవర్ కూడా ఉన్నాయి. అందుకే 'కాన్పుర్ గోల్డెన్ బాబా' అని పిలుస్తారు. దీంతో తనపై దాడులు జరిగే ప్రమాదం ఉందని.. రక్షణగా ఇద్దరు బాడీగార్డులు ఎప్పుడూ వెంటే ఉంటారని మనోజ్ చెప్పుకొచ్చారు.
ఇదీ చూడండి: ఎమ్మెల్యే మేనల్లుడి కాల్పులు- వీడియో వైరల్
