'చైల్డ్​ కేర్​ కేంద్రాల్లో కరోనా సోకిన వారెందరు?'

దేశంలోని బాలల సంరక్షణ కేంద్రాల్లో కరోనా బారిన పడిన పిల్లల వివరాలు అందించాలని రాష్ట్రాలకు లేఖ రాసింది జాతీయ బాలల హక్కుల పరిరక్షణ కమిషన్​. జువైనల్​ హోంలోని పిల్లలతో పాటు మొత్తం వివరాలను 15 రోజుల్లోగా ఇవ్వాలని స్పష్టం చేసింది.

దేశవ్యాప్తంగా ఉన్న బాలల సంరక్షణ కేంద్రాల(సీసీఐ)లోని చిన్నారులు కరోనా బారినపడుతున్నారన్న వార్తల పెరుగుతున్నాయి. ఈ నేపథ్యంలో రాష్ట్రాలకు కీలక ఆదేశాలు జారీ చేసింది బాలల హక్కుల అత్యున్నత విభాగం ఎన్​సీపీసీఆర్​. గత నెలరోజుల్లో ఆయా సంరక్షణ కేంద్రాల్లో కరోనా సోకిన పిల్లల వివరాలు ఇవ్వాలని స్పష్టం చేసింది.

ఈ మేరకు రాష్ట్రాల ప్రధాన కార్యదర్శులు, కార్యదర్శులకు లేఖ రాశారు జాతీయ బాలల హక్కుల పరిరక్షణ కమిషన్​ ఛైర్​పర్సన్​ ప్రియాంక కనూంగో.

" కొవిడ్​-19 మహమ్మారి విజృంభిస్తున్న క్రమంలో బాలల సంరక్షణ కేంద్రాల్లో చిన్నారుల భద్రత ఆందోళన కలిగిస్తోంది. దేశవ్యాప్తంగా ఉన్న సీసీఐ కేంద్రాల్లో పిల్లలు కరోనా బారినపడుతున్నారని వార్తా సంస్థల ద్వారా తెలుస్తోంది. గత నెలరోజుల్లో కరోనా సోకిన చిన్నారుల వివరాలు అందించండి. అలాగే.. జువైనల్​ హోంలో కరోనా పాజిటివ్​గా తేలిన పిల్లల వివరాలూ ఇవ్వండి."

- ప్రియాంక కనూంగో, ఎన్​సీపీసీఆర్ ఛైర్​పర్సన్​

సీసీఐ కేంద్రాల్లో కరోనా సోకిన పిల్లల వివరాలను 15 రోజుల్లోగా అందించాలని స్పష్టం చేసింది ఎన్​సీపీసీఆర్​.

ఇదీ చూడండి: ఈ పరికరంతో 2 నిమిషాల్లోనే కరోనా ఫలితం!